កម្មវិធីប្រកួតសម្រស់ Miss Grand International Pageant បានបញ្ចប់ជាស្ថាពរហើយកាលពីថ្ងៃសៅ រ៍ទី ៤ ខែធ្នូ ឆ្នាំ២០២១ ដោយរកឃើញស្រីស្អាតដែលនឹងគ្រងមកុដប្រចាំឆ្នាំ២០២១នេះ គឺស្រីស្អាតមកពីប្រទេសវៀតណាមកញ្ញា Nguyen Thuc Thuy Tien។ តើស្រីស្អាតរូបនេះមានប្រវត្តិបែបណាខ្លះ? មុនក្លាយជានារីទីមួយដែលបង្កើតប្រវត្តិសាស្ត្រឈ្នះតំណែងឯកចំណាត់ថ្នាក់លេខមួយត្រលប់ទៅ ប្រទេសកំណើតវិញ។
សូមចុចអាន តោះ! មកមើលកាយវិការប្លែកៗ បើមិនផ្ទុះសំណើច មិនមែន Miss Grand Hong Kong
ក្រៅ ពី Nguyen Thuc Thuy Tien បវរកញ្ញាវៀតណាមដែលទទួលបានចំណាត់ថ្នាក់លេខ១ បវរកញ្ញាចំនួន៤រូបទៀតដែលស្ថិតនៅ ក្នុងចំណោម Top5 រួមមាន បវរកញ្ញា អេក្វាឌ័រ ចំណាត់ថ្នាក់លេខ២ បវរកញ្ញា ប្រេស៊ីល ចំណាត់ថ្នាក់លេខ៣ បវរកញ្ញា ព័រតូរីកូ ចំណាត់ថ្នាក់លេខ៤ និងចុងក្រោយចំណាត់ថ្នាក់លេខ៥ បវរកញ្ញា អាហ្វ្រិកខាងត្បូង។
តើបវរកញ្ញាវៀតណាម Nguyen Thuc Thuy Tien គឺជាអ្នកណា?
យោងតាមវែបសាយ Miss Grand International ម្ចាស់ជ័យលាភីរូបនេះមានអាយុ២៣ឆ្នាំ សិក្សាជំនាញគ្រប់គ្រងបដិសណ្ឋារកិច្ច និងទេសចរណ៍ ឆ្នាំទី៤ ជាអ្នកបណ្ដាក់ទុក Vatel Vietnam និងជាសហស្ថាបនិក Adopt’ Vietnam។ បវរកញ្ញាចំណាត់ថ្នាក់លេខ១រូបនេះធំធាត់ឡើង ដោយមិនបានរស់នៅ ជាមួយនឹងឪពុករបស់នាងនោះទេ ដោយសារតែឪពុកម្ដាយលែងលះគ្នា ពេលនាងអាយុត្រឹមតែ៤ឆ្នាំប៉ុណ្ណោះ។ នាងធំធាត់និងដឹងក្ដីជាមួយនឹងមីងរបស់នាង តាំងពីតូចមកនាងមានចំណង់ចំណូលចិត្តផ្នែកតន្ត្រីនិងរាំ។ គតិដាស់តឿនចិត្តដែលនាងតែងតែទន្ទេញជាប់ខ្លួនគឺ «កុំស្ដាយក្រោយ ត្រូវតែឆ្ពោះទៅ មុខជានិច្ច» នេះបើយោងតាមវែបសាយខាងលើបានផ្សាយដដែល។ កញ្ញាក៏បានបង្ហើបឱ្យដឹងផងដែរថាកញ្ញារងនូវការមើលងាយជាច្រើនក្នុងជីវិតប៉ុន្តែរឿងនេះបានបង្រៀនឱ្យកញ្ញាមើលឃើញឱកាសនូវគ្រប់ស្ថានភាពទាំងអស់
Nguyen Thuc Thuy Tien បវរកញ្ញាវៀតណាមគឺជាម្ចាស់តំណែង Miss Grand International
នៅ ក្នុងចំណោមបេក្ខនារីបវរកញ្ញាមកពីប្រទេសទាំង៥៩ ជុំវិញសកលលោក ដើម្បីចូលរួមប្រកួត Miss Grand International ស្រីស្អាតមកពីប្រទេសវៀតណាម Nguyen Thuc Thuy Tien គឺជាអ្នកឈ្នះហើយដណ្ដើមបានមកុដជ័យលាភី។ កញ្ញាបានឈ្នះមកុដនៅ ពេលដែលបេក្ខនារីចុងក្រោយទាំងពីររូបត្រូវសួរថា «ហេតុអីបានជាអ្នកជឿថាអ្នកគួរតែឈ្នះតំណែងនេះ?» ជាការឆ្លើយតបស្រីស្អាតមកពីវៀតណាមរូបនេះបានឆ្លើយថាកញ្ញាមិនជឿទេថាកញ្ញាអាចនឹងឡើងមកដល់វគ្គ Top Two ហើយពេលនេះកញ្ញាពិតជាភ័យខ្លាំងណាស់ ប៉ុន្តែកញ្ញាបានបញ្ជាក់ថាកញ្ញាបានត្រៀមខ្លួនដើម្បីធ្វើការងារក្នុងនាមជាបវរកញ្ញារួចរាល់ហើយ បើសិនជាកញ្ញាបានទទួលឱកាសឈ្នះមកុដបវរកញ្ញា Miss Grand International 2021 ៕
ជ័យជំនះនេះបានធ្វើឱ្យកញ្ញា ក្លាយជានារី វៀតណាម ទីមួយ ឈ្នះមកុដ និងតំណែងបវរកញ្ញា Miss Grand International ត្រលប់ទៅ ប្រទេសកំណើតរបស់ខ្លួនវិញ៕