ជារឿយៗ លោក ខេមរៈ ភារុណ តែងតែបង្ហើបនៅ ក្នុងសំណេរតាមរយៈបណ្ដាញសង្គមពីគោលបំណង និងមហិច្ឆិតាចង់ធ្វើជាអភិបាលរាជធានី-ខេត្តរបស់ខ្លួន ដើម្បីចូលរួមជួយអភិវឌ្ឍប្រទេសជាតិ តួយ៉ាងដូចជាពេលថ្មីៗនេះ បងប្រុសរបស់កំពូលតារាចម្រៀងល្បីលោក ខេមរៈ សិរីមន្ត រូបនេះបានចេញមកបង្ហាញពីគោលបំណងរបស់លោកសារជាថ្មី គឺចង់ធ្វើជាអភិបាលខេត្តមួយរូប ក្នុងពេលអនាគតដ៏ឆាប់ៗខាងមុខនេះ។
សូមចុចអាន គ្រប់ដង្ហើមចេញចូល លោក ខេមរៈ ភារុណ ទន្ទេញជាប់មាត់ឥតឈប់ចង់ធ្វើអភិបាលខេត្ត!
បើសង្កេតនៅ លើបណ្ដាញសង្គមតាមរយៈគណនីផ្ទាល់ ក៏ដូចជាផេករបស់លោក ខេមរៈ ភារុណ តែងតែលើកជាម្ដងហើយម្ដងទៀតពីគោលបំណងដែលលោកចង់ក្លាយខ្លួនជាអភិបាលរាជធានី-ខេត្ត ប្រសិនបើថ្នាក់ដឹកនាំមើលឃើញនិងផ្ដល់ឱកាសលោកបានបំពេញតួនាទីនេះដូចបំណងប្រាថ្នា។
សូមចុចអាន បងប្រុសតារាចម្រៀង ខេមរ: សិរីមន្ត មានមហិច្ឆិតាចង់ក្លាយជាអភិបាលរាជធានី-ខេត្ត!
ដូចកាលពីថ្ងៃទី៤ ខែធ្នូ ឆ្នាំ២០២១ កន្លងទៅ នេះ លោក ខេមរៈ ភារុណ ជាថ្មីម្ដងទៀតលោកបានចេញមកចែករំលែកនិងបង្ហាញពីមហិច្ឆិតារបស់លោក នៅ លើបណ្ដាញសង្គម ទទូចចង់ឆាប់បានធ្វើអភិបាល ព្រោះបើចាំដល់អាយុ ៥០ឆ្នាំជាង ជិតចូលដល់ពេលចូលនិវត្តន៍ លោកស៊ូមិនធ្វើជាល្អជាង ព្រោះពេលវេលាបច្ចុប្បន្ននេះគឺជាពេលដែលលោកចង់ធ្វើបម្រើជាតិមាតុភូមិ មិនមែនចាំដល់ពេលលោកមានវ័យជ្រេនោះឡើយ។
ខាងក្រោមនេះគឺជាសម្ដីដែលសារព័ត៌មានត្រយងដកស្រង់ចេញពីសំណេរដែលលោក ខេមរៈ ភារុណបានធ្វើការបង្ហោះនៅ លើបណ្ដាញ Social Media ៖
«លោកពុកខ្ញុំគាត់មានប្រសាសន៍ថាបើកូនចង់ធ្វើចៅ ហ្វាយខេត្តលទ្ធភាពវាមិនអាចទៅរួចទេតិចណាស់ តែបើពុកធ្វើជាមន្ត្រីធំដូចពុកគេអាហ្នឹងអាច តែយ៉ាងណាកូនខំរៀនអញ្ចឹងល្អបើមិនបានធ្វើជាអភិបាលខេត្តយ៉ាងហោចណាស់ក៏កូនអាចធ្វើមន្ត្រីមួយដ៏ល្អនៅ ក្នុងជួររាជរដ្ឋាភិបាលនាពេលអនាគតពេលណាមួយជាក់ជាមិនខាន។ខ្ញុំក៏ជម្រាបលោកពុកវិញថាមហិច្ឆតារបស់ខ្ញុំខ្ញុំចង់ធ្វើជាអភិបាលខេត្តឆាប់ៗនេះដើម្បីជួយកិច្ចការងារ សម្តេចតេជោពុកនិងប្រជាជនសង្គមជាតិយើង តែបើចាំដល់ពេលខ្ញុំបានធ្វើដល់ខ្ញុំអាយុហាសិបឆ្នាំលើសជិតចូលនិវត្តន៍ខ្ញុំមិនធ្វើឡើយទោះបីជាខ្ញុំស្រលាញ់ប្រជាជននិងជាតិទឹកដីមួយនេះយ៉ាងណាក៏ដោយចុះ ព្រោះតែពេលវេលាដែលខ្ញុំចង់បម្រើជាតិមាតុភូមិមួយនេះគឺនៅ ពេលនេះឯងមិនមែនពេលនោះឡើយ។ខ្ញ៉ំចង់ធ្វើនេះមិនមែនដើម្បីប្រយោជន៍ខ្ញុំឡើយគឺដើម្បីប្រយោជន៍រួមប្រជាជនក្នុងខេត្តទាំងមូលនិយាយដោយឡែកនិយាយជារួមជាប្រយោជន៍ប្រទេសទាំងមូល។»
គួរដឹងថា លោក ខេមរៈ ភារុណ ដែលត្រូវជាបងប្រុសបង្កើតរបស់តារាចម្រៀងល្បី ខេមរៈ សិរីមន្ត បច្ចុប្បន្នលោកមានតួនាទីក្នុងជួរមន្ត្រីរាជការ ដោយលោកគឺជាមន្ត្រីយោធា មានឋានន្តរស័ក្ដិជាឧត្តមសេនីយត្រីមួយរូប (ផ្កាយមួយ)៕