រឿងរ៉ាវជម្លោះរវាងម្ចាស់ហាងអនឡាញ V Shop អ្នកនាង ស៊ាន សុធារី និងអតីតគូស្នេហ៍បានបញ្ចប់ទៅហើយដោយភាគីទាំងពីរយល់ព្រមចែកទ្រព្យសម្បត្តិនិងបញ្ចប់ជម្លោះ ប៉ុន្តែរឿងរ៉ាវពាក់ព័ន្ធនឹងស្រីស្រស់រូបនេះកំពុងផ្ទុះបានការចាប់អារម្មណ៍ជាថ្មី បន្ទាប់ពីសំបុត្រស្នេហ៍របស់លោក ប៊ុន ផាក ផ្ញើមកអ្នកនាងត្រូវបានសាមីខ្លួនបង្ហោះចែករំលែកលើបណ្ដាញសង្គមកាលពីថ្ងៃទី១៩ ខែធ្នូ ឆ្នាំ២០២១ ម្សិលមិញនេះ។
សំណេរស្នេហាដ៏សែនផ្អែមល្ហែមក្នុងឱកាសគម្រប់ខួប៥ខែនៃចំណងស្នេហាអ្នកទាំងពីរត្រូវបានលោក ប៊ុន ផាក សរសេររៀបរាប់យ៉ាងក្បោះក្បាយនិងផ្ញើទៅកាន់ម្ចាស់បេះដូងរបស់លោកយ៉ាងដូច្នេះ៖
«Happy 5th Month Anniversary អូនសម្លាញ់! ថ្ងៃ ១២-១២-២០២១ ជាថ្ងៃដែលបងមានសេរីភាព និង បានជួបអូនឡើងវិញ បងសប្បាយចិត្តគ្មានអ្វីប្រៀបបានទេ! បងធ្លាប់បានភ្លក់រសជាតិជីវិតដែលគ្មានអូនវាតែលតោលប៉ុណ្ណា។ រឿងដែលកើតឡើងលើកនេះ វាធ្វើឱ្យស្នេហាយើងរឹងមាំ និងចាស់ទុំជាងមុន។ អរគុណរឿងនេះ បើគ្មានវាទេ បងក៏មិនដឹងថាវាមានតំលៃប៉ុណ្ណា យើងហ៊ានលះបង់ចំពោះវាប៉ុណ្ណាដែរ។ យើងកាន់ដៃគ្នាដើរទៅមុខទៀត បងសង្ឃឹមថាអូននឹងញញឹមបែបគ្មានកង្វល់បែបនេះរហូត រង់ចាំផ្តល់កម្លាំងចិត្តអូន និងឱបអូនរាល់ថ្ងៃ។ Love You BP Love YURI»។
ក្រោយបានទទួលសំបុត្រស្នេហ៍ ឃើញថាអ្នកនាង ស៊ាន ធារី មិនបង្អង់យូរក៏បានឆ្លើយតបទៅវិញនិងបង្ហោះលើបណ្ដាញសង្គមបែបនេះថា ៖ «ក្រដាសមួយសន្លឹកនេះអាចឱ្យខ្ញុំញញឹមពោរពេញដោយក្តីសុខ ជាងបានចិញ្ចៀនពេជ្រមួយវង់ទៅទៀត ខ្ញុំទើបដឹងខ្លួនថា ខ្ញុំខានញញឹមបែបនេះយូរហើយ។ មនុស្សពេញមួយផែនដី អាចមើលងាយស្នេហាពួកយើង ទាំងដែរគេមិនដឹងច្បាស់ថាការពិតវាយ៉ាងណា សុំត្រឹមតែយើងពីរនាក់ដឹងខ្លួនច្បាស់ទៅបានហើយ។ ក្រោយឆ្លងកាត់ឧបសគ្គលើកនេះហើយ វាធ្វើឱ្យស្នេហាយើងកាន់តែរឹងមាំ និង មានតម្លៃជាងមុនទៀត Love you BP».
រូបថតសំបុត្រមួយសន្លឹកភ្ជាប់ដោយស្នាមបបូរមាត់ថើបដែលអ្នកនាង ស៊ាន សុធារី បានបង្ហោះនោះ ទទួលបានការចាប់អារម្មណ៍ខ្លាំងពីមហាជន ព្រោះមានគណនីជិតរហូតដល់៩១៣ បានចែករំលែក Status មួយនោះ ប៉ុន្តែចំនួន Like មានត្រឹមតែ ៦៣៦ ប៉ុណ្ណោះខណៈដែលមតិចូលរួមអបអរសាទរមានត្រឹមតែ ៩ប៉ុណ្ណោះ៕
