នេះអាចចាត់ទុកជាដំណឹងល្អមួយសម្រាប់ក្រុមអ្នកគាំទ្រ BTS (ARMY) ព្រោះតែកូនឆ្មាតូច suga បានជាសះស្បើយនិងមានសុខភាពធម្មតាឡើងវិញហើយ ដូច្នេះនៅថ្ងៃទី៣ ខែមករា ឆ្នាំ២០២២ នេះ គេត្រូវបានអនុញ្ញាតឱ្យបញ្ចប់ការធ្វើចត្តាឡីស័កហើយ។
សូមចុចអាន សមាជិក៣នាក់ហើយក្នុងក្រុម BTS រកឃើញវិជ្ជមាន Covid-19 បន្ទាប់ពីត្រលប់មកពីធ្វើការនៅអាមេរិក!
យោងតាម BIGHIT បានចេញសេចក្ដីប្រកាសថា តារាចម្រៀង Rapper ប្រចាំក្រុម BTS បានជាសះស្បើយមួយរយភាគរយហើយ ដូច្នេះនៅរសៀលនេះលោកអាចបញ្ចប់ការធ្វើចត្តាឡីស័កបានហើយ។
សុខភាពលោកមួយសប្ដាហ៍រកឃើញមានវិជ្ជមានជំងឺកូវីដ-១៩ កាលពីថ្ងៃទី២៤ ខែធ្នូ ឆ្នាំ២០២១ ពោលគឺនៅមួយថ្ងៃមុនកម្មវិធីបុណ្យ Chirstmas។ តាមការបញ្ជាក់ពី Agency របស់តារារូបនេះបានឱ្យដឹងថាលោកមិនមានចេញអាការៈអ្វីទាំងអស់ ដែលដំណឹងនេះបានធ្វើឱ្យអ្នកគាំទ្ររបស់លោកនៅទូទាំងពិភពលោកបានមិនសូវជាមានក្ដីបារម្ភខ្លាំង។
Agency បានប្រកាសថា Suga បានស្ថិតក្នុងផ្ទះនិងធ្វើចត្តាឡីស័កផង ព្យាបាលខ្លួនផងអស់រយៈពេល ១០ថ្ងៃ ចាប់តាំងពីថ្ងៃសុក្រទី២៤ ខែធ្នូ កន្លងមកនោះ មកដល់ថ្ងៃទី៣នេះ លោកអាចត្រលប់មកបំពេញសកម្មភាពការងារនិងបេសកកម្មសិល្បៈវិញបានហើយ៕
