សហព័ន្ធកីឡាបាល់ទះអន្តរជាតិ (FIVB) បានជូនដំណឹងនៅលើគេហទំព័រផ្លូវការរបស់ខ្លួនថ្មីៗនេះថាស្ថាប័នខ្លួនសម្រេចដកសិទ្ធិធ្វើជាម្ចាស់ផ្ទះនៃការប្រកួតបាល់ទះកម្រិតពិភពលោក National Volleyball League (VNL) ដែលគ្រោងរៀបចំឡើងនៅប្រទេសរុស្ស៊ី អំឡុងខែមិថុនា និងកក្កដា ឆ្នាំ២០២២ ខាងមុខ។
ប្រភពបានបន្ថែមថាប្រទេសដែលនឹងទទួលសិទ្ធិបន្តនឹងជូនដំណឹងឱ្យបានដឹងក្នុងពេលឆាប់ៗខាងមុខនេះ ខណៈគម្រោងចាស់ការប្រកួតនេះមានក្រុមខ្លាំងៗចំនួន៦ពូល រៀបចំនៅទីក្រុង Kemerovo ប្រទេសរុស្ស៊ី។
អត្ថបទពាក់ព័ន្ធ៖បាល់ទះជើងឯកពិភពលោក៖ ជប៉ុន នៅពូលជាមួយក្រុមលេខ១លើលោក ខណៈម្ចាស់ផ្ទះរុស្ស៊ី…
FIVB បានបញ្ជាក់ថាខ្លួនបន្តតាមដានស្ថានការណ៍និងត្រួតពិនិត្យព្រឹត្តិការណ៍ប្រកួតផ្សេងទៀតដែលរៀបចំនៅរុស្ស៊ី បូកទាំងការប្រកួតជើងឯកពិភពលោកផ្នែកបុរស 2022 FIVB Volleyball Men’s World Championship ដែលគ្រោងធ្វើនៅឆមាសទី២ឆ្នាំ២០២២ នេះ ខណៈគម្រោងចាស់ត្រៀមធ្វើនៅ ១០ទីក្រុងផ្សេងគ្នានៅប្រទេសរុស្ស៊ី ហើយទីក្រុង Saint Petersburg នឹងរៀបចំពិធីបើក។
អត្ថបទពាក់ព័ន្ធ៖២៤ក្រុមជុំវិញពិភពលោកចូលរួមដណ្តើមពាន Volleyball Men’s World នៅរុស្ស៊ី
ភាគី FIVB បានបន្ថែមថាស្ថាប័នមួយនេះកំពុងស្តាប់និងទាក់ទងជាមួយភាគីពាក់ព័ន្ធរបស់ខ្លួន រួមទាំងសហព័ន្ធកីឡាជាតិ និងចែករំលែកការព្រួយបារម្ភយ៉ាងខ្លាំងជាមួយពលរដ្ឋអ៊ុយក្រែន៕
