អ្នកលេងបណ្ដាញសង្គមដាក់ការសង្ស័យ ទេព បូព្រឹក្ស លើកដៃ ៣ ចង់សំដៅលើអ្វី?

តាមរយៈកម្មវិធី Pleng Music Awards 2022 ឬហៅកាត់ PMA2022 មហាជនអ្នកលេងបណ្ដាញសង្គមហ្វេសប៊ុកបានផ្ដោតការចាប់អារម្មណ៍ទៅលើ ការបង្ហាញហ្វេហ្សិនប្លែកៗរបស់តារាល្បីៗនៅលើកម្រាលព្រំក្រហម និងការទទួលពានរង្វាន់។

នៅក្នុងកម្មវិធីនេះទៀតសោត ក៏មានការចាប់អារម្មណ៍ខ្លាំងចំពោះ ទេព បូព្រឹក្ស ដែលជាតារាស្រីដ៏លេចធ្លោមួយរូប និងទទួលបានពាននៅក្នុងដៃច្រើនពីកម្មវិធី។ ជាក់ស្ដែងរូបភាពកាន់ពានរង្វាន់មួយសន្លឹកដែលកំពុងល្បីនៅលើបណ្ដាញសង្គមនាពេលនេះ គេឃើញកញ្ញា ទេព បូព្រឹក្ស លើកដៃ ៣ រហូតដល់ហ្វេនក៏ដូចជាអ្នកលេងបណ្ដាញសង្គមដាក់ការសង្ស័យថា កញ្ញាចង់សំដៅលើអ្វី?

គេឃើញមានសម្ដីអ្នកលេងបណ្ដាញសង្គមហ្វេសប៊ុកបានលើកឡើងផ្សេងៗគ្នា ដោយអ្នកខ្លះនិយាយបែបត្រុល (លេងសើច) និងខ្លះទៀតនិយាយបែបឌឺដងបែបត្រូវស្ថានភាពប្រចាំថ្ងៃ។ មានអ្នកខ្លះនិយាយថា «ឆមាសនឹងប្រឡងសងប៉ុន្មានមុខ?Me : 3 មុខ😌 », «តុងទីន 3 ក្បាលរស់ទាំង 3 មេរត់បាត់», «ចូលឆ្នាំមានប៉ុន្មានថ្ងៃ?😂ចែ.ចូលឆ្នាំមាន៣ថ្ងៃ», «យប់ម៉ិញដេកបានម៉ានម៉ោង? Me : បីម៉ោងអោយគត់ 😭», «គេសុំបែកខ្ញុំ ខ្ញុំខំកើតទុក្ខ តែភ្លេចទៅថានៅ៣នាក់ទៀត😒😒😂😂»។ ទាំងអស់នេះ នៅមិនទាន់បានសដកស្រង់ពីក្នុង Comment ចំពោះរូបលើកដៃ ៣ របស់កញ្ញា ទេព បូព្រឹក្ស នៅឡើយទេ។

តែយ៉ាងណាមិញ តាមរយៈវីដេអូរបស់កម្មវិធី Pleng Music Awards 2022 នេះ គេបានដឹងថា កញ្ញា ទេព បូព្រឹក្ស លើកដៃ ៣នេះគឺកញ្ញាចង់សំដៅទៅកាន់ការអរគុណដល់ Hater របស់កញ្ញាគ្រប់គ្នា បើគ្មានពួកគាត់ទេ កញ្ញាក៏មិនបានទទួលពានដល់ទៅ៣បែបនេះដែរ។ ពីបទចម្រៀងល្បីប្រចាំឆ្នាំ ” វីរនារី (Top Of the Lady)” កញ្ញា ទេព បូព្រឹក្ស ដែលបានក្លាយជាម្ចាសពានរង្វាន់ចំនួន៣គឺ 🏆 វីដេអូចម្រៀងប្រចាំឆ្នាំ 🏆 បទចម្រៀងប្រចាំឆ្នាំ និង 🏆 វីដេអូចម្រៀងដែលមានបច្ចេកទេសថតលេចធ្លោប្រចាំឆ្នាំ ៕