រឿងរ៉ាវល្បីកក្រើកពិភពលោកករណី តារាសម្ដែងហូលីវូដ Will Smith ឡើងទៅលើឆាកទះកំផ្លៀងតារាកំប្លែង Chris Rock ក្នុងកម្មវិធីប្រកាសពានរង្វាន់អូស្ការ (Oscar) កំពុងតែក្លាយជាប្រធានបទក្ដៅដែលមហាជនកម្ពុជាបានផ្ដោតការចាប់អារម្មណ៍ជាពិសេស ក្នុងនោះអ្នកសិល្បៈកម្ពុជាមួយចំនួនធំក៏បានបង្ហាញទស្សនៈរបស់ខ្លួនចំពោះទង្វើហិង្សារបស់លោក Will Smith យកប្រើដើម្បីដោះស្រាយបញ្ហានោះដែរ។ បើយោងតាមការបង្ហោះរៀបរាប់របស់អ្នកមេម៉ាយ ទូច ស្រីល័ក្ខ នៅលើបណ្ដាញសង្គម បានបញ្ជាក់យ៉ាងច្បាស់ថាអ្នកនាងមានគំនិតគាំទ្រឬផ្អៀងទៅខាងលោក Will Smith។
សូមចុចអាន – Will Smith សោកស្ដាយកំហុស ប្រើអំពើហិង្សាធ្វើជាដំណោះស្រាយ
នៅថ្ងៃទី៣០ ខែមីនា ឆ្នាំ២០២២ អ្នកនាង ទូច ស្រីល័ក្ខ តារាចម្រៀងនិងតារាសម្ដែងប្រចាំប្រទេសកម្ពុជាបានបង្ហាញទស្សនៈរបស់ខ្លួនពាក់ព័ន្ធនៅលើបណ្ដាញសង្គម Facebook ចំពោះករណីហិង្សាដែលល្បីកក្រើកពិភពលោកនេះដោយអ្នកនាងហាក់ផ្ដល់ទម្ងន់និងសរសើរចំពោះអ្វីដែលលោក Will Smith បានធ្វើដោយអ្នកនាងចាត់ទុកថា បុរសពិតគឺជាបុរសរឹងមាំ ក្លាហាន លះបង់ ច្បាស់លាស់ ម៉ត់ចត់ ចាំជួយលើកទឹកចិត្តចំពោះមនុស្សដែលខ្លួនស្រលាញ់។
អ្នកនាង ទូច ស្រីល័ក្ខ បានរៀបរាប់លម្អិតពីជុំវិញបញ្ហានេះយ៉ាងដូច្នេះ៖
«មួយកំផ្លៀងនេះទុកជាការព្រមានអេាយចាំសំរាប់បុរសមួយចំនួនចូលចិត្តនិយាយមេីលងាយគេជាមនុស្សស្រីយកគេមកលេងសេីចដេីម្បីតែប្រយេាជន៍ខ្លួន កុំនិយាយមេីលងាយមនុស្សដែលគាត់ស្រលាញ់មិនថាជានរណាគេក៏ដេាយ នេះហេីយបុរសពិតតែងតែជាបុរសម្នាក់ចាំនៅក្បែរលេីកទឹកចិត្តអេាយកំលាំងចិត្តអេាយមនុស្សខ្លួនស្រលាញ់ជានិច្ច មិននិយាយមេីលងាយគាត់ អេាយអ្នកដទៃជាន់ឈ្លីបាន គាត់និយាយថាមិនអាចនិយាយលេងមេីលងាយមនុស្សគាត់ស្រលាញ់បានជាដាច់ខាត បុរសពិតត្រូវជាមនុស្សប្រុស រឹងមាំ ក្លាហាន លះបង់ ច្បាស់លាស់ ម៉ត់ចត់ ហេីយជាមេគ្រួសារដ៏រឹងមាំ រៀបចំបែបផែននៃគេាលដៅរបស់គ្រួសារ នេះហេីយបុរសពិតបេីមានអ្នកប្រតិកម្ម ប្រាកដជារេីសយកដាក់ខ្លួនហេីយ»។
ការលើកឡើងរបស់អ្នកមេម៉ាយរូបនេះ បានទទួលការសរសើរនិងគាំទ្រយ៉ាងខ្លាំង ដោយមតិភាគច្រើនមហាជនពិសេសស្រីៗក៏ផ្ដល់ទម្ងន់ចំពោះទង្វើនិងសកម្មភាពហិង្សារបស់ Will Smith ដោយចាត់ទុកថាលោកធ្វើនេះគឺជារឿងល្អព្រោះលោកបានចេញមុខការពារស្ត្រីដែលលោកស្រលាញ់ (ស្វាមីការពារភរិយាតរបស់ខ្លួន)៕
ប្រភព៖ Facebook Touch Sreyleak