ខ្សែប្រយុទ្ធជនជាតិកាមេរ៉ូន NDONGO LOUIS WILLY របស់អាស៊ីអឺរ៉ុប បានបន្តឈរកំពូលតារាងបញ្ជីកីឡាកររកគ្រាប់បាល់បានច្រើនជាងគេ (Top Scorers) គិតត្រឹម៤សប្ដាហ៍មកនេះនៃពានរង្វាន់លីគលំដាប់ទី២ Cambodian League 2 រដូវកាលឆ្នាំ២០២២។
កីឡាករវ័យ២៧ឆ្នាំរូបនេះរកបានគ្រាប់បាល់៥គ្រាប់ហើយក្នុងចំណោម៤ប្រកួតមកនេះ ជាមួយក្រុមអាស៊ីអឺរ៉ុប ដោយក្នុងនោះរូបគេបានទាត់បញ្ជូលទីក្រុម អាយ.អេស.អាយ ដង្កោសែនជ័យ៣គ្រាប់ សូលទីឡូអង្គរ ចំនួន១គ្រាប់ និងសៀមរាបអែហ្វស៊ី ចំនួន១គ្រាប់។
អត្ថបទពាក់ព័ន្ធ៖ខ្សែបម្រើ ម៉ាត់ យ៉ាមីន របស់នគរបាលជាតិ ជាកីឡាករទី៩ ដែលត្រូវពិន័យកាតក្រហមនៅលីគទី២
បញ្ជី Top Scores គិតត្រឹមសប្ដាហ៍ទី៤នេះមាន៖
1 NDONGO LOUIS WILLY (កាម៉េរ៉ូន) របស់អាស៊ីអឺរ៉ុប រកបាន៥គ្រាប់
2 សោម បូរិទ្ធ របស់យុវជនសាលាបាល់ទាត់ជាតិបាទី រកបាន៤គ្រាប់
3 NGWA BALDWIN AFANWI (កាម៉េរ៉ូន) របស់ ISIរកបាន៣គ្រាប់
4 សារី តៃម៉ូ់ របស់កោះកុងអែហ្វស៊ី រកបាន៣គ្រាប់
5 MIRZAEV ALISHER UMIDOVICH (អ៊ូប៊ែគីស្ថាន) របស់ក្រុមព្រៃវែងអែហ្វស៊ី រកបាន៣គ្រាប់
6 Abbee (កាម៉េរ៉ូន) របស់ក្រុមកោះកុងអែហ្វស៊ី រកបាន៣គ្រាប់
7 ឃាន់ សុបិន របស់យុវជនសាលាបាល់ទាត់ជាតិបាទី រកបាន៣គ្រាប់
8 ផាន សុផេង របស់ព្រៃវែងអែហ្វស៊ី រកបាន៣គ្រាប់
រូបថត៖AEU