«ថ្ងៃនេះទំនេរពួកយើងនាំគ្នារាំ សារ៉ាវ៉ាន់អើយសារ៉ាវ៉ាន់ ថ្ងៃនេះទំនេរពួកយើងនាំគ្នារាំ សារ៉ាវ៉ាន់អើយសារ៉ាវ៉ាន់ ចាំអីស្រីម៉ុមចូលមករាំនឹងបង» នេះគឺជាប៉ារ៉ូលដកស្រង់ពីបទចម្រៀងដើមមរតដើមរបស់លោកតា ស៊ិន ស៊ីសាមុត និងលោកយាយ ប៉ែន រ៉ន ដែលបទនេះត្រូវបាននារីបរទេសមួយក្រុមយកទៅ Cover ហើយទទួលបានការគាំទ្រយ៉ាងគំហុកពីហ្វេនៗ។
នៅលើផេករបស់តារាចម្រៀងខ្មែរ-អាមេរិក លោក Tony Keo (តូនី កែវ) បានបង្ហោះវីដេអូ Cover មួយដើម្បីអបអរសាទរពិធីបុណ្យចូលឆ្នាំខ្មែរ សង្ក្រាន្តឆ្នាំខាល ដោយបទចម្រៀងនោះបង្ហោះកាលពីថ្ងៃទី១៩ ខែមេសា ឆ្នាំ២០២២ ហើយទទួលបានការសរសើរយ៉ាងខ្លាំងពីហ្វេនៗនៅប្រទេសកម្ពុជា បន្ទាប់ពីវីដេអូបទនេះបានបង្ហោះចេញនៅលើបណ្ដាញសង្គម។
អ្នកទស្សនាបានសរសើរចំពោះគំនិតស្រលាញ់និងចង់ចូលរួមអភិរក្សដល់វប្បធម៌ខ្មែរ ពិសេសគឺការច្រៀងច្បាស់អក្ខាវិរុទ្ធ និងរាំចង្វាក់សារ៉ាវ៉ាន់បានយ៉ាងល្វត់ល្វន់របស់នារីបរទេសទាំងអស់នោះមិនចាញ់ជនជាតិខ្មែរជាម្ចាស់ដើមប៉ុន្មាននោះទេ។ ជាពិសេសទៀតនោះគឺការផ្សំចូលគ្នារវាងបទចម្រៀងចាស់ពីរបទគឺបទ រាំសារ៉ាវ៉ាន់ ច្រៀងដោយកញ្ញា Katherine និងបទ ចង្កេះរាងរាវ របស់លោកតា ស៊ីនស៊ីសាមុត ដែលច្រៀងឡើងវិញដោយ តូនី កែវ មក Mix បញ្ចូលគ្នាបានយ៉ាងពីរោះរណ្ដំ។
ទស្សនានិងស្ដាប់បទចម្រៀង Cover ដោយនារីជនជាតិបរទេសខាងក្រោមនេះ៖
ទស្សនានិងស្ដាប់បទចម្រៀងដើមលោកតា ស៊ិន ស៊ីសាមុត និងលោកយាយ ប៉ែន រ៉ន ខាងក្រោម៖
អត្ថបទទាក់ទង