ថ្វីត្បិតតែធ្លាប់ប្រើប្រាស់ហិង្សាលើអតីតមិត្តស្រី និងត្រូវចាប់បញ្ជូនទៅឃុំឃាំង ប៉ុន្តែនៅពេលវិលត្រលប់មកមានសេរីភាពឡើងវិញ និងត្រលប់មកប្រឡូកក្នុងវិស័យសិល្បៈមួយទំហឹង អេដវីន នៅតែទទួលបានឱកាសល្អ ព្រោះលោកត្រូវបានជ្រើសរើសជាតួឯកប្រុសក្នុងភាពយន្តភាគថ្មីជាស្នាដៃនិពន្ធនិងដឹកនាំដោយលោកស្រី ពាន់ ភួងបុប្ផា អ្នកដឹកនាំជើងចាស់ពេញដោយបទពិសោធន៍ជាច្រើនឆ្នាំ។
សាច់រឿងទំនាស់គ្នារវាងអេដវីន និងអតីតមិត្តស្រីថៅកែអាជីវកម្មកាហ្វេដូងដ៏ល្បីល្បាញ រហូតឈានដល់ប្រើប្រាស់ហិង្សា ហើយលោកត្រូវសមត្ថកិច្ចចាប់បញ្ជូនទៅឃុំឃាំងមួយរយៈ ទីបំផុតអ្វីៗអាចដោះស្រាយបានលោកក៏ត្រលប់មកមានសេរីភាពឡើងវិញ។ ក្រោយមានសេរីភាពតារារូបនេះបានកោរសក់បួសផ្ញើខ្លួនក្រោមម្លប់សាសនាដើម្បីជំរះភាពសៅហ្មងនិងរំងាប់ចិត្តកុំឱ្យឆាប់ខឹងឆេវឆាវ។
ការបោះជើងចូលសិល្បៈឡើងវិញរបស់ អេដវីន អាចនឹងមានការជួយជ្រោមជ្រែងពី លោក ម៉ែន និមលរ័ត្ន នាយកប្រតិបត្តិ CIM Stars ដែលជាអតីត Boss របស់លោក ព្រោះអេដវីនបានបង្ហាញខ្លួនជាតារាដើរបង្ហាញខ្លួនលើព្រំក្រហមក្នុងកម្មវិធីប្រកាសបើកសម្ពោធសាកល្បងស្ថាប័នបវរកញ្ញា CIM ដែលធ្វើឱ្យអ្នកដែលជាហ្វេនរបស់លោកមានក្ដីរំភើបយ៉ាងខ្លាំង។
កាលពីពេលថ្មីៗនេះផលិតកម្ម កងចក្រ Picture បានបញ្ចេញផ្ទាំង Poster ភាពយន្តថ្មីរឿង «ពេលម៉ែចាស់ទៅ» ដែលជាស្នាដៃរឿងទីបីហើយក្នុងស៊េរីភាពយន្ត «ម៉ែ» ស្នាដៃដឹកនាំដោយលោកស្រី ពាន់ ភួងបុប្ផា។ សម្រាប់លោកស្រី ពាន់ ភួងបុប្ផា ធ្លាប់បានជ្រើសរើស អេដវីន មកសម្ដែងជាតួឯកក្នុងរឿងភាគ «រសជាតិអ្នកមាន» របស់ PNN កន្លងមក ហើយទទួលបានការគាំទ្រភ្លូកទឹកភ្លូកដៃ ដូច្នេះនេះអាចក៏ជាការផ្ដល់ឱកាសមួយឱ្យអេដវីន ពីព្រឹទ្ធចារ្យក្នុងវិស័យកុនរូបនេះក៏ថាបាន។
«ពេលម៉ែចាស់ទៅ» គឺជាភាពយន្តដែលដកស្រង់ផលិតចេញពីប្រលោកមលោកមានចំណងជើងដូចគ្នាគឺ «ពេលម៉ែចាស់ទៅ» គឺជាវណ្ណកម្មថ្មីដែលនឹងឆ្លុះបញ្ចាំងខ្សែជីវិតរបស់អ្នកម្ដាយវ័យចំណាស់ ។ តាមរយៈការផ្សព្វផ្សាយកាលបរិច្ឆេទបញ្ចាំងគឺនៅថ្ងៃទី១៦ មិថុនា ខាងមុខនេះ។
ក្រៅពី អេដវីន នៅមានតួអង្គសំខាន់ផ្សេងៗជាច្រើនដួងទៀតរួមមាន៖ តារាភាពយន្តសល់ពីសង្គមចាស់ លោកស្រី ឌី សាវ៉េត និងរាជិនីក្រម៉ា កញ្ញា មាន សូនីតា ព្រមដោយតារាសម្ដែងប្រុសស្រីល្បីឈ្មោះនិងមានសមត្ថភាពច្រើនរូបទៀត៕
សូមទស្សនាវីដេអូ Top News៖
អត្ថបទទាក់ទងនឹងអេដវីន៖
- លោកស្រី ឌី សាវ៉េត បង្ហាញមុខម្ដងទៀតក្នុងភាពយន្តទី ៣ និយាយពីជីវិតកម្សត់និងទឹកចិត្តម្ដាយ របស់លោកស្រី ពាន់ ភួងបុប្ផា
- ចៅក្រមស៊ើបសួរសម្រេចឃុំខ្លួន អេដវីន នៅគុកព្រៃសបណ្ដោះអាសន្ន!
- អេដវីន ត្រូវបានតុលាការបើកការស៊ើបសួរពីបទ ហិង្សាដោយអនីតិសង្វាសជន និងធ្វើឱ្យខូចខាតដោយចេតនា!
- សុទ្ធ បញ្ចកា ដកពាក្យបណ្ដឹង ហេតុអ្វី អេដវីន នៅតែជាប់ឃុំជាបណ្ដោះអាសន្ននៅព្រៃស?