បុរសជនជាតិអាឡឺម៉ង់អាយុ ៦២ ឆ្នាំមានឈ្មោះ Rolf Buchholz ជាអ្នកវិទ្យាសាស្ត្រកុំព្យូទ័រ ដែលមានការចោះរន្ធក្រវិលនៅលើដងខ្លួនច្រើនជាងគេនៅលើពិភព រហូតដល់លោកអាចបំបែកកំណត់ត្រា Guinness World Records។
លោក Rolf Buchholz ត្រូវបានគេទទួលស្គាល់ថា ជាអ្នកចោះរន្ធក្រវិលនៅលើប្រដាប់ភេទច្រើនជាងគេបំផុត ដែលអាចឈ្នះមនុស្ស ៥១៦ នាក់និយមចោះរន្ធក្រវិល និង ២៧៨ នាក់មានជាការចោះរន្ធក្រវិលលើប្រដាប់ភេទ។
តាមរបាយការណ៍ Guinness World Records បញ្ជាក់ថា លោក Buchholz ជាបុរសដែលបានចោះរន្ធក្រវិលដងខ្លួនច្រើនបំផុតក្នុងឆ្នាំ ២០១០ មុនពេលដែលលោកត្រូវបានបញ្ជាក់ដោយកំណត់ត្រាពិភពលោក Guinness ក្នុងឆ្នាំ២០១២ ហើយរហូតមកដល់បច្ចុប្បន្ននេះគ្មាននរណាម្នាក់អាចទម្លាក់តំណែងនេះបានទេ។
លោក Buchholz បានសារភាពថា ការផ្សាំគ្រាប់ដែកជាមួយនឹងស្បែក គឺមានផលវិបាកខ្លះដែរ និងត្រូវការពេលវេលាសម្រាប់ថែទាំ ដោយសារគ្រាប់ក្រវិលខ្លះ អាចបង្កឱ្យកើតជំងឺដល់ស្បែកក៏មាន។ លោក Busholz បាននិយាយបន្ថែមថា ទោះបីជាលោកបានទម្លុះស្បែកដាំគ្រាប់ក្រវិលជាច្រើនកន្លែងនៅលើរាងកាយក៏ដោយ ប៉ុន្តែជីវិតស្នេហា និងការរួមភេទ គឺលោកមិនដែលមានបញ្ហានោះទេ។
លោកបន្តថា ទោះបីជាលោកចូលចិត្ត និងទទួលបានការកោតសរសើរពីមនុស្សច្រើនក៏ពិតមែន ប៉ុន្តែមែនទែនទៅលោកមិនដែលគិតចង់បង្កើតកំណត់ត្រាពិភពលោកនោះទេ។ លោកមិនបានធ្វើវាដើម្បីកត់ត្រាប្រវត្តិសាស្ត្រអ្វីដែរ។ លោកគ្រាន់តែចង់បានការកែប្រែរាងកាយជារឿងដ៏ស្រស់ស្អាតរបស់លោក ទៅតាមអ្វីដែលលោកចង់បានតែប៉ុណ្ណោះ។
ប្រភព៖ Khaosod
អត្ថបទពេញនិយម៖
បៃហ្វឺន លួចស្រលាញ់តួប្រុស «Train To Busan» ដល់ថ្នាក់ហ៊ានផ្ញើសារ Private សារភាពស្នេហ៍
