អាមេរិក – ក្រោយពេលតារាសម្ដែង Amber Heard ឡើងផ្ដល់ចម្លើយនៅក្នុងតុលការក្នុងរឿងក្ដីនាងត្រូវអតីតស្វាមី Johnny Depp ប្ដឹងពីបទប្រមាថកាលពីថ្ងៃទី៤ ឧសភា ឆ្នាំ២០២២ ដោយសារនាងបាននិយាយពីរឿងធ្វើបាបរាងកាយនិងផ្លូវចិត្តក្នុងទស្សនាវដ្ដី The Washington Post ទោះជាមិនបានបញ្ចេញឈ្មោះភាគីខាងប្រុសក្ដី។
ថ្មីៗនេះ Hashtag #AmberHeardIsALiar, #JusticeForJohnnyDepp រួមទាំង Keyword Watching Amber Heard កំពុងតែជាប់ Top Trend Twitter លំដាប់ពិភពលោក ព្រោះមនុស្សជាច្រើនមិនជឿលើពាក្យសម្ដីដែលនាងឆ្លើយនៅតុលាការ រួមទាំងអាកប្បកិរិយានានារបស់នាងខណៈផ្ដល់ចម្លើយនោះ។
ជំហានដំបូងដែលមនុស្សជាច្រើនចាប់អារម្មណ៍និងសង្កេតឃើញនោះគឺ «Amber Heard» បាននិយាយដល់ឈ្មោះ «Johny Depp» ដោយឈ្មោះគ្មានត្រកូលខណៈដែលខាងប្រុសពេលឡើងផ្ដល់ចម្លើយកាលពីសប្ដាហ៍មុនពេលនិយាយដល់ Amber បានលើកឡើងយ៉ាងសុភាព Ms. Heard ឬ «អ្នកនាង Heard» រាល់ពេលដែលនិយាយដល់ឈ្មោះអតីតភរិយា។
រឿងដែលសាធារណជនចាប់អារម្មណ៍មួយទៀតនោះគឺ Amber ព្យាយាមតាមសម្លឹងភ្នែកនិងមើលរាល់សកម្មភាពរបស់ Johnny ជានិច្ច ខណៈដែលភាគីខាងប្រុសមិនបានងើបមុខមើលទៅខាងស្រីសូម្បីតែម្ដង ខណៈដែលទង្វើរបស់ Amber ត្រូវអ្នកលេងអ៊ិនធឺណិតបង្ហាញថាជាមនុស្សដែលបង្កអំពើហិង្សា ឬ Abuser មិនមែនជាអាកប្បកិរិយារបស់ជនរងគ្រោះដូចជា Johnny Depp នោះឡើយ។
ការផ្ដល់ចម្លើយដែលផ្ទុយស្រទះទៅនឹងការពិតជាច្រើនយ៉ាងបានធ្វើឱ្យអ្នកលេងអ៊ិនធឺណិតនាំគ្នាដាក់ Hashtag «Amber Heard» កំពុងធ្វើមុខស្ងួតនិយាយពាក្យកុហក ប៉ុន្តែការសម្ដែងរបស់នាងមិនស័ក្តិសមឥតខ្ចោះ ខណៈដែលពួកគេក៏សរសើរចំពោះ «Johnny Depp» ដែលអត់ទ្រាំស្ដាប់ពាក្យកុហកនេះរហូតដល់ចប់បាន។ នៅខាងក្រៅតុលាការ ក្រុមអ្នកគាំទ្រដែលស្រលាញ់ចូលចិត្តតារាសម្ដែង «Johnny Depp» នៅតែមកប្រមូលផ្ដុំគ្នាផ្ដល់កម្លាំងចិត្តទាំងទៅទាំងមក តាំងតែពីថ្ងៃចាប់ផ្ដើមការពិចារណាក្ដីមកម្ល៉េះ៕
អត្ថបទទាក់ទង Amber Heard៖
- Johnny Depp ប្ដឹងបកអតីតភរិយាយក៥០លានដុល្លារ និងបដិសេធបណ្ដឹងប្រើហិង្សាលើអតីតភរិយា
- តារាស្រីហូលីវូដបោកលុយបោកចិត្ត មហាសេដ្ឋី Elon Musk ចុងក្រោយយកធ្វើត្រឹមជាប្រុសកំដរអារម្មណ៍
- Johnny Depp ទទួលស្គាល់ថាលេងថ្នាំ និងផ្ញើសារចង់ជ្រមុជទឹក អតីតប្រពន្ធ Amber ឱ្យស្លា.ប់រួចយកទៅដុតចោល
- ក្រោយផ្ទុះជម្លោះនឹង Johnny Depp មនុស្ស២លាននាក់ជុំវិញពិភពលោកស្នើដក Amber Heard ចេញ
- Amber Heard ជូតទឹកភ្នែកក្រោយនៅតុលាការរំលឹករងើកភ្លើងស្នេហ៍ចាស់ជាមួយមហាសេដ្ឋី Elon Musk
