Nadech រន្ធ.ត់ចិត្តក្រោយឃើញរូបភាពផ្ទះរបស់ខ្លួននៅខេត្ត ខនកេន ត្រូវជន់លិចធ្ងន់ធ្ងរ ចំណែកអ្នកម្ដាយរបស់តារារូបនេះត្រៀមត្រលប់ទៅមើលផ្ទះបន្ទាន់។
តារាសម្ដែងរូបសង្ហា Nadech Kugimiyas រន្ធត់ចិត្តខ្លាំងមិនស្ទើរក្រោយឃើញរូបភាពផ្ទះរបស់ខ្លួននៅខនកេន កំពុងតែត្រូវទឹកជំនន់ជន់លិច នេះបើតាមការបង្ហោះរបស់ម្ដាយរបស់តារារូបនេះនៅលើបណ្ដាញសង្គម។ ចំណែកឯអ្នកគាំទ្រ នាំគ្នាជួយបន់ស្រន់ឱ្យក្រុមគ្រួសារតារារូបនេះឆ្លងផុតឧបសគ្គលើកនេះយ៉ាងឆាប់រហ័ស។
បញ្ហាទឹកជំនន់ដែលកើតឡើង ដោយសារតែបញ្ហាទឹកជំនន់នៅក្នុងប្រទេសថៃកំពុងតែធ្វើឱ្យទីតាំងជាច្រើននៅក្នុងប្រទេសនេះមានទឹកជន់លិច ដោយកន្លែងខ្លះកម្រិតទឹកមានកម្ពស់ខ្ពស់រហូតលិចចូលដល់ក្នុងផ្ទះបណ្ដាលឱ្យខូចខាតទ្រព្យសម្បត្តិ និងបង្កជាផលលំបាកដល់ការប្រើប្រាស់ជីវិតប្រចាំថ្ងៃរបស់ប្រជាជន។ ក្នុងចំណោមខេត្តនិងតំបន់ដែលកំពុងតែជន់លិចនោះក៏មានខេត្ត ខនកេន ដែលជាទីកំណើតរបស់ Nadech ដោយខណៈនេះកម្ពស់ទឹកខ្ពស់បានហូរលិចចូលដល់ក្នុងផ្ទះតារារូបនេះរួចរាល់អស់ហើយ។
អ្នកម្ដាយរបស់ Nadech គឺលោកស្រី Kaew Jung បានបង្ហោះរូបភាពទឹកជន់លិចចូលផ្ទះរបស់ខ្លួនជាពិសេសគឺនៅទីលានចតរថយន្តផ្ទះរបស់អ្នកស្រី ជាមួយនឹង Caption ថា៖ «អូយ!!!! ម៉ែទើបតែត្រលប់មកខនកេន ម្សិលមិញ… ព្រឹកនេះ!!!! ម៉ែផាត់ ផ្ញើរូបភាពទឹកជន់ផ្ទះមកឱ្យ ម៉ែទើបត្រលប់មកពីផ្ទះម្សិលមិញ…បារម្ភពីម៉ែផាត់ ណាស់!!!ព្រោះធ្លាប់ទឹកជន់ដល់មួយម៉ែត្រ…លើកនេះប្រហែលជាត្រូវលើកម៉ែផាត់ឡើងជាន់ទីពីរ បារម្ភណាស់ សុំភាវមនានិងសុំលើកកម្លាំងចិត្តឱ្យដោះស្រាយបញ្ហានេះបានយ៉ាងឆាប់រហ័ស!»
សូមអានអត្ថបទ៖ ច្រណែនណាស់! Nadech ដឹកដៃ Yaya ឡើងភ្នំបោះតង់មើលព្រះអាទិត្យ អាំង Marshmello ញ៉ាំពីរនាក់
បន្ទាប់ពីនោះមិនយូរ Nadech ក៏បានចូលមក Comment ជារូបភាព Emoji ចំហរមាត់រន្ធត់ចិត្តខ្លាំង ធ្វើឱ្យអ្នកគាំទ្រចូលមកផ្ដល់កម្លាំងចិត្ត និងសុំឱ្យក្រុមគ្រួសារតារារូបនេះឆ្លងកាត់ឧបសគ្គនេះយ៉ាងច្រើនសន្ធឹកសន្ធាប់៕