Thursday, December 8 Login
កីឡាករ Kritsada Wongkaeo

ក្រុម​បាល់ទាត់​ជម្រើស​ជាតិ​ហ្វូតសាល​របស់​ថៃ ដណ្តើម​បាន​ឱកាស​ចូលរួម​ក្នុង​ពានរង្វាន់ FIFA Futsal World Cup ជា​លើក​ទី៦ ហើយ​បើ​គិត​ទាំង​ឱកាស​ក្នុង​ឆ្នាំ​២០២១ នេះ​ទៀត ខណៈ​កីឡាករ Kritsada Wongkaeo ដែល​ធ្លាប់​ជួយ​ក្រុម​ជម្រើស​ជាតិ​ខ្លួន​ដល់​ទី២​លើក​គឺ​នៅ​ឆ្នាំ​២០១២​និង​២០១៦ រំពឹង​ថា​​ក្រុម​ខ្លួន​នឹង​អាច​ឆ្លង​ផុត​វគ្គ​​ចែក​ពូល។

អត្ថបទពាក់ព័ន្ធ៖ហ្វូតសាល​ថៃ និង​វៀតណាម ដឹកដៃ​គ្នា​ទៅ​លេង World Cup (វីដេអូ)

ក្រុម​ថៃ ស្ថិត​នៅ​ក្នុង​ពូល​ C ជាមួយ​ព័រទុយហ្គាល់ មក​ពីទ្វីប​​អឺរ៉ុប ម៉ារ៉ុក មក​ពី​ទ្វីប​អាហ្រ្វិក និង​ក្រុម​កោះ​សូឡូម៉ុង មក​ពី​​ទ្វីបអូសេអានី។ ថៃ ត្រូវ​ប្រកួត​បើក​ឆាក ជាមួយ​ក្រុម​ព័រទុយហ្គាល់ នៅ​ថ្ងៃ​ទី១៣ ខែកញ្ញា ឆ្នាំ​២០២១។

«ខ្ញុំ​ចង់​ជួយ​ក្រុម​ឱ្យ​ឡើង​​ដល់​វគ្គ​​១៦​ក្រុម​ចុងក្រោយ ក្នុង​ពាន FIFA Futsal World Cup លើក​នេះ។ យើង​​មាន​ការ​ផ្លាស់ប្តូរ​ជា​ច្រើន ប៉ុន្តែ​យើង​ក៏​មិន​ត្រូវ​មើល​ស្រាល​សភាពការណ៍​ដែរ។ យើង​ត្រូវ​ធ្វើការ​ធ្ងន់​រួម​​គ្នា គ្រប់​ការ​ប្រកួត។ យើង​មិន​អាច​​គិត​ថា​​វា​ពិបាក​ពេក​ទេ ក្នុង​ពូល​យើង តែ​ក៏​មិន​ត្រូវ​មើល​ស្រាល​ក្រុម​ណាមួយ​ដែរ។ បើ​មើល​ឱ្យ​ចំ​ព័រទុយហ្គាល់ គេ​ខ្លាំង​មែន ហើយ​ក្រុម​កម្រិត​បន្ទាប់​គឺ​ម៉ារ៉ុក និង​កោះ​សូឡូម៉ុង» កីឡាករ Kritsada លើក​ឡើង។

ក្រៅ​ពី​​មាន​ឱកាស​ចូល​លេង​ក្នុង​ពាន FIFA Futsal World Cup ក្រុម​ថៃ ធ្លាប់​ឆ្លង​ផុត​វគ្គ​ជម្រុះ​តាម​ពូល​​បាន​២លើក​ដែរ កាល​ពី​ឆ្នាំ​២០១២ ដែល​ធ្វើ​ឡើង​នៅ​ទឹកដី​របស់​ខ្លូន និង​នៅ​ឆ្នាំ​២០១៦ ធ្វើ​ឡើង​នៅ​ប្រទេស​កូឡុំប៊ី។

អត្ថបទពាក់ព័ន្ធ៖សមាជិក​ហ្វូតសាល​វៀតណាម ចាក់​វ៉ាក់សាំង​បង្ការ​កូវីដ-១៩ រួចរាល់​ មុន​​ជម្រុះ World Cup

សូម​បញ្ជាក់​ថា​ក្រុម​ថៃ ជា​ក្រុម​មួយ​ក្នុង​ចំណោម​៥​ប្រទេស តំណាង​ឱ្យ​ទ្វីប​អាស៊ី ទៅ​ចូលរួម​ប្រកួត​ក្នុង​ពានរង្វាន់​ហ្វូតសាល​ជើង​ឯក​ពិភពលោក 2021 FIFA Futsal World Cup នៅ​ប្រទេស​លីទុយអានី ក្នុង​ទ្វីប​អឺរ៉ុប ចាប់​ពី​ថ្ងៃ​ទី​១២ ខែ​កញ្ញា ដល់​៣ ខែ​តុលា ឆ្នាំ​២០២១ ខាង​មុខ។ ចំណែក​ក្រុម​៤ទៀត​មាន ជប៉ុន អ៊ីរ៉ង់ អ៊ូបេគីស្ថាន និង​វៀតណាម៕

Telegram-Troryorng
Share.

Leave A Reply