បុរសកូរ៉េ៤រូបដែលបានធ្វើដំណើររាប់ម៉ឺនគីឡូម៉ែត្រ ដើម្បីប្រកួតក្នុងកម្មវិធី American’s Got Talent បានធ្វើឱ្យគណៈកម្មការមានការភ្ញាក់ផ្អើលខ្លាំងក្រោយបញ្ចេញសមត្ថភាពច្រៀងដ៏អស្ចារ្យក្នុងបទចម្រៀង «All My Life»។
American’s Got Talent 2021 កំពុងតែដំណើរការប្រកួតក្នុងវគ្គ Judge Audition ជាបណ្ដើរៗដើម្បីស្វែងរកបេក្ខជនដែលមានសមត្ថភាពឆ្ពោះទៅកាន់វគ្គបន្ទាប់ យ៉ាងណាមិញ F4 កូរ៉េ ៤រូប ដែលដាក់ឈ្មោះក្រុមខ្លួនថា ៖ «Korean Soul» មាន សមាជិកដូចជា៖ Sooyoung, Yong jae, Sean និង Chiwon បានប្រាប់គណៈកម្មការថារូបគេទាំង៤រូបបានហោះតាំងពីប្រទេសកូរ៉េខាងត្បូងមកដល់ ១០ថ្ងៃមុន ហើយស្នាក់នៅអាមេរិកដើម្បីរង់ចាំចូលរួមក្នុងវគ្គ Judge Audition តែម្ដង។
នៅពេលដែល Simon សួរថាតើអ្នកទាំង៤ មានឈ្មោះល្បីទេនៅកូរ៉េ លោក Sooyoung បានឆ្លើយថាមិនមែននោះទេ ដូច្នេះ Simon បានសន្មតថាការដែលអ្នកទាំង ៤ខំប្រឹងមកប្រកួតនេះគឺដើម្បីយកឱកាសផ្សព្វផ្សាយពីក្រុមរបស់ខ្លួន។
សូមចុចអាន៖ ម្ចាស់កណ្ដឹងមាស America’s Got Talent ឆ្នាំ ២០២១ ជាអ្នកជំងឺមហារីកមានឱកាសរស់ត្រឹម២%!
«Korean Soul» បានប្រាប់ទៅកាន់គណៈកម្មការពីក្ដីប្រាថ្នារបស់ក្រុមខ្លួនថាចង់ក្លាយជា Pop Star ។ បន្ទាប់មកអ្នកទាំង ៤បានបកស្រាយបទចម្រៀង «All My Life» ដែលជាបទចម្រៀងរបស់ K-Ci & JoJo ជាប់ Hot 100 លេខ១លើ Billboard ដែលជាបទចម្រៀងកាលពីឆ្នាំ ១៩៨៨។
ជាមួយនឹងសមត្ថភាពច្រៀងដ៏ពីរោះនិងច្រៀងស៊ីសង្វាក់គ្នានៅក្នុងបទចម្រៀង «All My Life» គណៈកម្មការទាំង៤រូប មាន Simon Cowell, Sofia Vergara,Heidi Klum និង Howie Mandel បានសម្រេចប្រគល់ Yes ឱ្យទៅបុរស F4 (Korean Soul) ដែលមកពីប្រទេសកូរ៉េខាងត្បូងទាំង ៤រូបនេះ៕
ទស្សនាវីដេអូ Korean Soul ក្នុងវគ្គ Judge Audition ខាងក្រោមនេះ ៖
