លោក ខុង យ៉ាត់លួង ប្រធានទីស្នាក់ការច្រកទ្វារអន្តរជាតិដូង បានប្រាប់សារព័ត៌មានត្រយងញូវស៍ថា គិតត្រឹមពីម៉ោង ៩ព្រឹកដល់ម៉ោង ១៥:០០នាទី ថ្ងៃទី ០៥ ខែ សីហា ឆ្នាំ ២០២៥ ពលករត្រឡប់មកពីប្រទេសថៃចូលតាមច្រកអន្ដរជាតិដូងសរុបប្រមាណ ១០០ ៤៨១នាក់ក្នុងនោះ ៖
– ស្ត្រីប្រមាណ ៤៣ ៨២៥នាក់
– កុមារប្រមាណ ២០០៩នាក់
សូមចុចអាន៖ ប្រធានអាស៊ានប្រកាសត្រៀមពង្រាយក្រុមត្រួតពិនិត្យ និងប្រើផ្កាយរណប ដើម្បីតាមដានបទឈប់បាញ់រវាងកម្ពុជា និងថៃ
លោកបានបញ្ជាក់ថា មូលហេតុចម្បងដែលពលករសម្រុកមកកម្ពុជាច្រើនដោយសារតែការមកតាមគ្នា។ ករណីខ្លះពលករខ្មែរមកច្រើននៅសល់កម្មករខ្មែរតិចតួច ថៅកែថៃចាប់ផ្ដើមដាក់សម្ពាធឲ្យឈប់ព្រោះគេចង់ប្ដូរកម្មករភូមាវិញ។ ដូច្នេះកម្មករក៏សម្រេចចិត្តឈប់ត្រឡប់មកស្រុកកំណើតវិញ ហើយខ្លះព្រួយបារម្ភអំពីសុវត្ថិភាព ទើបសម្រេចចិត្តមកកម្ពុជាវិញ ស្របពេលដែលជម្លោះកម្ពុជានិងថៃនៅបន្ដតានតឹង បើទោះមានបទឈប់បាញ់ចូលជាធរមានកាលពីថ្ងៃទី២៨ ខែកក្កដា កន្លងមកនេះក៏ដោយ។