ពានរង្វាន់លីគយុវជនកម្ពុជា Cambodian Youth League រដូវកាលឆ្នាំ២០២៥-២៦ រកឃើញម្ចាស់ជើងឯកហើយ ដោយក្រុមយុវជនអាយុក្រោម ១៦ និងយុវជនអាយុក្រោម១៨ឆ្នាំ ទាំងពីរឈុតរបស់វិសាខា គ្រងជើងឯកទាំងពីរឈុត ក្រោយឆ្លងកាត់ការប្រកួតអស់១៨សប្តាហ៍។
សម្រាប់ក្រុមយុវជនអាយុក្រោម១៦ឆ្នាំវិសាខា បានចំណាយពេលប្រកួតលើទីលានសរុបចំនួន១៨ប្រកួត ក្នុងមានតែ១ប្រកួតប៉ុណ្ណោះដែលចាញ់ ក្រៅពីនោះឈ្នះ១៦ប្រកួត និងស្មើ១មានចំនួន៤៩ពិន្ទុ ក្នុងដៃ ខណៈក្រុមយុវជនភ្នំពេញក្រោន ឈរចំណាត់ថ្នាក់លេខ២មាន៤០ពិន្ទុ។
អត្ថបទពាក់ព័ន្ធ៖ Youth League ៖ U16 វិសាខា គ្រងជើងឯកមុនចប់រដូវកាល ទោះសល់២ប្រកួតទៀតក៏ដោយ!
ចំពោះក្រុមយុវជនអាយុក្រោម១៨ឆ្នាំវិសាខា ក៏បានចំណាយពេលលើទីលានចំនួន១៨ប្រកួតដូចគ្នាដែរ ក្នុងនោះមាន១៦ប្រកួតដែលវិសាខា យកឈ្នះលើគូប្រកួត ស្មើ១ប្រកួត និងចាញ់១ប្រកួត មានចំនួន៤៩ពិន្ទុក្នុងដៃ ស្របពេលលេខ២គឺក្រុមកងយោធពលខេមរភូមិន្ទ មានចំនួន៤៣ពិន្ទុ។
ការប្រកួតលីគយុវជន Cambodian Youth League ឆ្នាំ២០២៥-២៦ មាន ១០ក្រុមចូលរួមប្រជែងពាន រួមមាន៖ ព្រះខ័នរាជស្វាយរៀង ភ្នំពេញក្រោន សាលាបាល់ទាត់រាជធានីភ្នំពេញ ខេត្តកំពង់ឆ្នាំ អាយអេសអាយ ដង្កោសែនជ័យ សាលាបាល់ទាត់ជាតិបាទី កងយោធពេលខេមភូមិន្ទ បឹងកេត អង្គរថាយហ្គឺរ និងវិសាខា។ ការប្រកួតត្រូវបានចាប់ផ្ដើមកាលពីថ្ងៃអាទិត្យ ទី២៧ ខែកក្កដា ឆ្នាំ២០២៥ បានបញ្ជប់ទៅវិញនៅថ្ងៃទី១៥ ខែកុម្ភៈ ឆ្នាំ២០២៦ ថ្មីៗនេះ ខណៈពិធីបិទបានរៀបចំឡើងនៅពហុកីឡដ្ឋានជាតិ រាជធានីភ្នំពេញ៕
