អាជ្ញាកណ្ដាលបាល់ទាត់កម្រិតអន្តរជាតិ (FIFA) របស់ប្រទេសក្នុងតំបន់អាស៊ាន ចំនួន៣រូប ព្រមទាំងអាជ្ញាកណ្ដាលខ្សែបន្ទាត់ និងមន្ត្រីទី៤ មួយចំនួនមានឈ្មោះចេញទៅដឹកនាំការប្រកួតក្នុងវគ្គជម្រុះតាមពូលដែលនៅសេសសល់ពានរង្វាន់បាល់ទាត់ពិភពលោក 2022 FIFA World Cup ប្រចាំទ្វីបអាស៊ី កាលពីពេលថ្មីៗ។
អត្ថបទពាក់ព័ន្ធ៖ជម្រុះ World Cup៖វៀតណាម តំណាងអាស៊ាន ឡើងទៅជុំទី៣ប្រចាំទ្វីបជាមួយ១១ប្រទេសផ្សេងទៀត
នៅថ្ងៃទី៣០ ខែឧសភា ឆ្នាំ២០២១ ក្នុងប្រកួតហ្គាម ចាញ់ចិន ៧ទល់០ ដឹកនាំដោយអាជ្ញាកណ្ដាលជនជាតិថៃ លោក Sivakorn Pu-udom។ ប្រកួតនេះក្រៅពីមានលោក កាន់ញ្ចែរលើទីលានក៏មានជំនួយការ៣រូបផ្សេងទៀតទៅពីតំបន់អាស៊ានដែររួមមានអាជ្ញាកណ្ដាលទី១ លោក Rawut Nakarit ជនជាតិថៃ អាជ្ញាកណ្ដាលទី២ លោក KOH Min Kiat ជនជាតិសិង្ហបុរី និងលោក BIN JAHARI Muhammad ជាមន្ត្រីទី៤។
នៅថ្ងៃទី ៧ ខែមិថុនា ឆ្នាំ២០២១ ក្រុមនេប៉ាល់ ចាញ់ហ្សកដានី ៣ទល់១ ដឹកនាំដោយលោកអាជ្ញាកណ្ដាល Mohd Amirul Izwan Yaacob ជនជាតិម៉ាឡេស៊ី។ ប្រកួតនេះមានអាជ្ញាកណ្ដាលទី១ លោក MUHAMAD Mohd អាជ្ញាកណ្ដាលទី២លោក BIN ZAINAL Mohamad និងមន្រ្ដីទី៤ លោក Razlan Joffri Ali ជាជនជាតិម៉ាឡេស៊ីដូចគ្នា។
អត្ថបទពាក់ព័ន្ធ៖កីឡាករវៀតណាម រ៉ៃប្រាក់បាន៣០០លានដុងជួយជាតិ ទិញវ៉ាក់សាំងបង្កាកូវីដ-១៩
នៅថ្ងៃទី១៥ ខែមិថុនា ឆ្នាំ ២០២១ អំឡុងពេលក្រុមហ្វីលីពីន ស្មើក្រុមម៉ាល់ឌីវ ១ទល់១ ដឹកនាំដោយលោកអាជ្ញាកណ្ដាលជនជាតិថៃ Sivakorn Pu-udom បូកទាំងជំនួយការអាជ្ញាកណ្ដាលទី១ លោក Mohamad Zairul Khalil Tan ជនជាតិម៉ាឡេស៊ី។
នៅថ្ងៃទី១៥ ខែមិថុនា ឆ្នាំ២០២១ ជាមួយគ្នានេះដែរ ប្រកួតក្រុមជម្រើសជាតិចិន ឈ្នះក្រុមស៊ីរី ៣-១ ដែលដឹកនាំដោយលោកអាជ្ញាកណ្ដាល Muhammad Taqi ជនជាតិសិង្ហបុរី។ ប្រកួតនេះមានជំនួយការអាជ្ញាកណ្ដាលទី១លោក KOH Min Kiat អាជ្ញាកណ្ដាលទី២ Hannan Bin Abdul ជាជនជាតិសិង្ហបុរី៕
អត្ថបទពាក់ព័ន្ធ៖ជម្រុះ World Cup៖ខ្មែរម្នាក់នៅប្រទេសបារ៉ែន ស្កាត់ជួយចម្អិនម្ហូបដល់ក្រុមជម្រើសជាតិកម្ពុជា