លោក Jarred Gillett អាជ្ញាកណ្ដាលជនជាតិអូស្រ្តាលី បានក្លាយជាអាជ្ញាកណ្ដាលបរទេសដំបូងគេបង្អស់ជាប់ឈ្មោះទៅដឹកនាំការប្រកួតក្នុងពានរង្វាន់លីគកំពូលនៃប្រទេសអង់គ្លេស Premier League នៅរដូវកាលឆ្នាំ២០២១-២២ ខាងមុខ។
បើតាមការបញ្ជាក់របស់សហព័ន្ធកីឡាបាល់ទាត់អូស្រ្តាលី លើកឡើងថាបុរសវ័យ៣៤ឆ្នាំរូបនេះជាអាជ្ញាកណ្ដាលកម្រិតខ្ពស់នៅប្រទេសខ្លួនចន្លោះឆ្នាំ២០១០ ដល់២០១៩ មុនផ្ទេរទៅអង់គ្លេស។ លោកបានជាប់ឈ្មោះក្នុងក្រុមអាជ្ញាកណ្ដាលកម្រិត Select Group 1 ក្រោយ Professional Game Match Officials Limited វាយតម្លៃរួចរាល់។
លោក Jarred Gillett បានចូលរួមក្នុងការកាត់សេចក្តីពានរង្វាន់ Premier League ដំបូងពេលទៅដល់អង់គ្លេសក្នុងឆ្នាំ២០២០ ក្នុងនាមជាជំនួយការអាជ្ញាកណ្ដាលផ្នែកវីដេអូ Video Assistant Referee (VAR) ប៉ុន្តែក្រោយជាប់ឈ្មោះក្នុងក្រុមអាជ្ញាកណ្តាល Select Group 1 ធ្វើឱ្យលោកអាចកាន់កញ្ចែដឹកនាំការប្រកួតលើទីលានបាន។
អត្ថបទពាក់ព័ន្ធ៖អាស៊ាន៖អាជ្ញាកណ្ដាលថៃ,ម៉ាឡេស៊ីនិងសិង្ហបុរី កាន់កញ្ចែ៤ប្រកួតនៅជម្រុះ World Cup ប្រចាំទ្វីប
លោក James Johnson នាយកប្រតិបត្តិសហព័ន្ធកីឡាបាល់ទាត់អូស្ត្រាលី បានវាយតម្លៃខ្ពស់ចំពោះលោក Jarred Gillett ហើយចាត់ទុកជាប្រវត្តិសាស្ត្របាល់ទាត់របស់ខ្លួន។ «ប្រើពេល២ឆ្នាំពីលីគកំពូលអូស្ត្រាលី ទៅលីគកំពូលប្រទេសអង់គ្លេស វារឿងគួរឱ្យគោរពដល់លោក Jarred។ គាត់បានត្រៀមខ្លួនរួចជាស្រេច ហើយមិនមែនត្រឹមតែជនជាតិអូស្រ្តាលីដំបូងប៉ុណ្ណោះទេ តែជាជនជាតិបរទេសដំបូងដែលដឹកនាំការប្រកួតនៅ Premier League»។
លោក Jarred Gillett ធ្លាប់សាងស្នាដៃជាច្រើនដូចជា៖
-ដឹកនាំប្រកួតនៅលីគកំពូលអូស្ត្រាលី ពីឆ្នាំ២០១០-២០១៩ ចំនួន១៥៩ប្រកួត
-ដឹកនាំការប្រកួតដំបូងនៅថ្ងៃទី១៩ ខែកញ្ញា ឆ្នាំ២០១០ រវាងក្រុម Gold Coast United v Central Coast Mariners
-ប្រកួតទី១៥៩ នៅថ្ងៃទី៨ខែ មីនា ឆ្នាំ២០១៩ រវាងក្រុម Brisbane Roar v Western Sydney Wanderers
-ជាឈ្មោះជា A-League Grand Final & Referee of the Year x5 – 2012, 2015-2018
-ដឹកនាំការប្រកួតពាន FFA Cup Final 2018 – Adelaide United v Sydney FC
-ជាប់ឈ្មោះជាអាជ្ញាកណ្ដាលកម្រិតអន្តរជាតិដែលទទួលស្គាល់ដោយ FIFA ពីឆ្នាំ២០១៣-២០១៩និងអាជ្ញាកណ្ដាលកម្រិតខ្ពស់របស់សហព័ន្ធកីឡាបាល់ទាត់អាស៊ី AFC Elite Referee ឆ្នាំ២០១៤-២០១៩
-សមាជិករបស់ជំនួយការអាជ្ញាកណ្ដាលវីដេអូ (VAR) ចាប់ពីឆ្នាំ២០១៧
-អាជ្ញាកណ្ដាលដែលចេញទៅដឹកនាំការប្រកួតនៅពានរង្វាន់លីគកំពូលជប៉ុនJ-League, លីគកំពូលឥណ្ឌា Indian Super League, លីគកំពូលចិន Chinese Super League, លីគកំពូលអារ៉ាប៊ីសាអ៊ូឌីត Saudi Professional League និងពានរង្វាន់ 2015 International Champions Cup
-ជាប់ឈ្មោះក្នុង Select Group 2 Referees Panelនៅឆ្នាំ២០១៩, ដឹកនាំការប្រកួត នៅពានរង្វាន់លីគលំដាប់ទី២អង់គ្លេស EFL Championshipធ្វើជាមន្រ្តីទី៤ និងជាជំនួយការVAR នៅលីគកំពូលអង់គ្លេស។
-អាជ្ញាកណ្ដាល ២០២០-២១ នៅពានរង្វាន់ EFL Championship វគ្គពាក់កណ្ដាលផ្ដាច់ព្រ័ត្ររវាងក្រុម Brentford v AFC Bournemouth។
អត្ថបទពាក់ព័ន្ធ៖ក្រោយលើកពាន UCL លោក Thomas Tuchel តកុងត្រាជាមួយតោខៀវ Chelsea ដល់ឆ្នាំ២០២៤
អត្ថបទពាក់ព័ន្ធ៖N’Golo Kante កីឡាករទី៦ ដែលឈ្នះពាន World Cup, Premier League និងChampions League
