សហព័ន្ធកីឡាបាល់ទាត់ថៃ បានប្រកាសរៀបចំព្រឹត្តិការបាល់ទាត់កម្រិតអន្តរជាតិមួយឈ្មោះថា Continental Futsal Championship នៅរាជធានីបាងកក ទាំងក្នុងស្ថានភាពកូវីដ-១៩ ផុតខ្លាំង ខណៈគិតត្រឹមពេលនេះគឺបានបែងចែកពូលសម្រាប់ក្រុមចូលរួមទាំង៨ក្រុមរួចរាល់ហើយ។
បើតាមការបញ្ជាក់របស់សហព័ន្ធកីឡាបាល់ទាត់ថៃ ពូល A មានម្ចាស់ផ្ទះថៃ, អ៊ូបេគីស្ថាន, កូសឺវ៉ូ និងម៉ូហ្សាំប៊ិកលី ហើយពូល B មានទុយអានី,អេហ្ស៊ីប,តាហ្ស៊ីគីស្ថាន និងគុយវ៉ែត។ តាមផែនការការប្រកួតធ្វើឡើងពីថ្ងៃទី២៥ ដល់៣០ ខែកក្កដា ឆ្នាំ២០២១។
នេះជាការត្រៀមខ្លួនរបស់ថៃ ដើម្បីចូលរួមប្រកួតក្នុងពានរង្វាន់ហ្វូតសាលជើងឯកពិភពលោក 2021 FIFA Futsal World Cup នៅប្រទេសលីទុយអានី ក្នុងទ្វីបអឺរ៉ុប ចាប់ពីថ្ងៃទី១២ ខែកញ្ញា ដល់៣ ខែតុលា ឆ្នាំ២០២១ ខាងមុខ ជាមួយក្រុមតំបន់អាស៊ី៤ទៀតមានជប៉ុន អ៊ីរ៉ង់ អ៊ូបេគីស្ថាន និងវៀតណាម៕
អត្ថបទពាក់ព័ន្ធ៖កីឡាករថៃធ្លាប់លេង Futsal World Cup ២សម័យកាលចង់ជួយក្រុមឱ្យផុតវគ្គជម្រុះក្នុងពូល