បើតាមការបញ្ជាក់របស់ Footy Rankings ថ្មីៗនេះថានៅក្នុងតំបន់អាស៊ីភាគអាគ្នេយ៍ ឬ ហៅថាអាស៊ាន ដែលមាន១២ក្រុមចំនួន៣ពូលប្រចាំពានរង្វាន់ AFC Cup នោះគឺបានកំណត់កៅអីបណ្ដោះអាសន្នរួចរាល់ហើយ សម្រាប់ឆ្នាំ២០២៣ ខាងមុខ។
លីគបណ្តាប្រទេសតំបន់អាស៊ានដែលមានចំនួន១០ក្រុម (វិស័យបាល់ទាត់មានអូស្ត្រាលី ស្ថិតក្នុងតំបន់អាស៊ានដែរ)៖
-២កៅអី៖ ហ្វីលីពីន,ម៉ាឡេស៊ី,អូស្ត្រាលី មានចំនួន២ក្រុមដូចគ្នា (ទាំងអស់៨ក្រុម)
-១កៅអី កន្លះ៖ សិង្ហបុរី,ឥណ្ឌូណេស៊ី និងមីយ៉ាន់ម៉ា (៣ក្រុមឡើងវគ្គចែកពូល ៣ក្រុមស្ថិតនៅវគ្គជម្រុះ)
-កន្លះកៅអី៖ កម្ពុជា ឡាវ ប្រ៊ុយណេ និងទីម័រខាងកើត (ក្រុមជើងឯកលីគកំពូលទាំង៤ប្រទេសត្រូវប្រកួតនៅវគ្គជម្រុះជាមុនសិន)
កន្លងមកភាគីកម្ពុជា ទទួលបានកៅអី ១កៅអីកន្លះចន្លោះឆ្នាំ២០២០ ដល់២០២២ ពោលគឺក្រុមជើងពានរង្វាន់លីគកំពូលកម្ពុជា ទទួលបានឱកាសចូលលេងវគ្គចែកពូល ហើយក្រុមជើងឯកពានរង្វាន់សម្តេចតេជោ ហ៊ុន សែន ទទួលបានកន្លះកៅអី ដែលត្រូវប្រកួតវគ្គជម្រុះសិន ដើម្បីស្វែងរកឱកាសឡើងជុំបន្ត។
អត្ថបទពាក់ព័ន្ធ៖បឹងកេត និងវិសាខា មិនលេងពាន AFC Cup បានទេ ព្រោះរំសាយតំបន់អាស៊ានចោលហើយ
តាមការកំណត់ពានរង្វាន់ AFC Cup មាន១០ពូល មកពី៥តំបន់ផ្សេងគ្នា ក្នុងនោះមានតំបន់អាស៊ីខាងកើត អាស៊ីខាងជើង អាស៊ីកណ្ដាល អាស៊ីខាងលិច និងអាស៊ីអាគ្នេយ៍។ ក្រុមលេខ១និងលេខ២តាមតំបន់នីមួយៗមានឈ្មោះឡើងទៅប្រកួតបន្តជាមួយក្រុមនៅតំបន់ផ្សេងៗគ្នាជាបន្តដើម្បីរកអ្នកឈ្នះជើងឯកប្រចាំឆ្នាំ។
សម្រាប់តំបន់អាស៊ាន មានតែក្រុម Johor Darul Ta’zim របស់ម៉ាឡេស៊ី ប៉ុណ្ណោះដែលធ្លាប់ឈ្នះជើងឯក ពានរង្វាន់ AFC Cup ក្នុងឆ្នាំ២០១៥ គិតចាប់តាំងពីបង្កើតឡើងផ្លូវការដំបូងក្នុងឆ្នាំ២០០៤ មក៕
អត្ថបទពាកព័ន្ធ៖ពាន “Stadium Of The Year 2020” បានទៅកីឡដ្ឋានមួយស្ថិតតំបន់អាស៊ានយើង