តារាសម្ដែង Park Solomon និងតារាសម្ដែងស្រី Cho Yi Hyun ថ្មីៗនេះបានចែករំលែករឿងរ៉ាវអស់សំណើចពាក់ព័ន្ធនឹងឈុតឆាកថើបមាត់គ្នារវាងពួកគេ ដោយសារតែ១ឈុតនោះថតខុស១៧ដងនិងចំណាយពេលថតយូរជាងគេ។
សូមចុចអាន តួរងស្រី «All of Us are Dead» ល្បីជាងតួឯករហូតមានអ្នកទស្សនាសំណូមពរឱ្យលេងវគ្គទីពីរទៀត
យោងតាមការផ្សាយពី Koreaboo ថ្វីត្បិតតែភាពយន្តភាគជាស៊េរីរបស់ Netflix រឿង «All of Us Are Dead» ប្រមូលផ្ដុំទៅដោយឈុតឆាកហិង្សានិងឈុតឆាកប្រើប្រាស់អារម្មណ៍ ប៉ុន្តែ ក៏នៅមានឈុតឆាកផ្អែមល្ហែមថើបក្នារវាងតួអង្គសិស្ស Lee Su Hyuk និងប្រធានថ្នាក់ Choi Nam Ra ធ្វើឱ្យអ្នកទស្សនាបានស្បើយអារម្មណ៍ខ្លះ។
សូមចុចអាន ភាពយន្តភ័យរន្ធត់ «ខ្មោចឆៅ Zombie» អុកឡុកវិទ្យាល័យត្រៀមបំបែកកំណត់ត្រា «Squid Game»
មុនពេលពួកគេពិភាក្សាពីឈុតឆាកនោះ Park Solomon ស្រាប់តែបញ្ចេញស្នាមញញឹមប្រិមប្រិយនៅលើមុខរបស់គេ ដោយសារតែនឹកឃើញដល់អនុស្សាវរីយ៍ថតឈុតនោះ។
សូមចុចអាន ទម្លាយអាថ៌កំបាំង ឈុតសិស្សសាលាក្នុងរឿង «All of Us Are Dead» ហេតុអ្វីមានពណ៌បៃតង?
Park Solomon បានបង្ហើបឱ្យដឹងថាឆុតដែលមើលទៅធម្មតាៗនោះត្រូវចំណាយពេលថតរហូតដល់តៅ១៧ដង ទម្រាំតែត្រូវហើយ Director ទទួលយកបាន។ ចំណែកតួស្រី Cho Yi Hyun បានទទួលស្គាល់ថាខ្លួនគឺជាមូលហេតុដែលធ្វើខុសច្រើនដង ហើយមូលហេតុនោះគឺមកពីខ្លួនមិនអាចមើលឃើញបបូរមាត់របស់ Solomon ទើបត្រូវថត take ច្រើនដង។
ក្នុងនោះ Cho Yi Hyun បានសុំទោសចំពោះ Park Solomon ប៉ុន្តែភាគី Solomon បែរជាមិនត្រឹមតែមិនខឹងថែមទាំងប្រាប់ទៀតថាគេសប្បាយចិត្តដែលបានថតឈុតថើបដដែលៗច្រើនដង។
បន្ថែមទៅលើអ្វីដែល Cho Yi Hyun និយាយខាងលើ Park Solomon បានសារភាពនៅពីក្រោយរឿងរ៉ាវនេះថាឈុតថើបនេះគឺជាឈុតដែលលោកពេញចិត្តបំផុតនៅក្នុងរឿងភាគ «All of Us are Dead» ដោយលោកបានលើកហេតុផលថា «ក្រោយថតឈុតថើបនេះ ទើបខ្ញុំដឹងថា ហេតុអ្វីទើបតួៗប្រុសចូលចិត្តថតភាពយន្តបែបមនោសញ្ចេតនា»៕
