កញ្ញា តន់ ចន្ទសីម៉ា តារាចម្រៀងប្រចាំផលិតកម្ម Galaxy Navatraក្រសោបបានពានរង្វាន់ធំៗចំនួន៣ពីកម្មវិធីប្រគល់ពានរង្វាន់ដ៏ធំប្រចាំឆ្នាំ Pleng Music Awards 2022 ដែលបានរៀបចំឡើងកាលពីថ្ងៃទី១៩ ខែមីនា ឆ្នាំ២០២២។
ជាការពិតណាស់បើនិយាយពីឈ្មោះ តន់ ចន្ទសីម៉ា នៅក្នុងចំណោមយុវវ័យគឺជាតារាចម្រៀងមួយរូបដែលមានការនិយមច្រើន ព្រោះបទចម្រៀងរបស់នាងស្ទើរតែគ្រប់បទបានបំពេអារម្មណ៍អ្នកស្ដាប់មិនចេះជិនណាយ ដូច្នេះហើយមិនចម្លែកនោះទេ ដែលតារាចម្រៀងរូបនេះទទួលបានរង្វាន់ដល់ទៅ៣ម្នាក់ឯងក្នុងកម្មវិធី Pleng របស់ Smart នោះ។
ពានរង្វាន់ចំនួន៣ដែលកញ្ញា តន់ ចន្ទសីម៉ាទទួលបាននោះមានពានរង្វាន់សិប្បការិនីប្រចាំ ពានរង្វាន់វីដេអូចម្រៀងដំបូងគេដែលមានការមើល១០០លានដង និងពានរង្វាន់សិល្បការិនីស្ដាប់ច្រើនជាងគេ។
ថ្វីត្បិតតែបទចម្រៀង «Are You ok» ធ្លាប់មានបញ្ហាចម្រូងចម្រាស ហើយត្រូវកែប្រែជាខ្លឹមសារបន្តិចបន្តួចក្ដី ប៉ុន្តែបទចម្រៀងនេះនៅតែទទួលបានប្រជាប្រិយភាព និងមានការគាំទ្រខ្លាំងពីសំណាក់អ្នកគាំទ្របរទេសរហូតមានក្រុមហ៊ុនចិនទិញយកសិទ្ធិយកទៅថតនិងផលិតជាភាសាចិនផងដែរ។
សូមចុចអាន – តន់ ចន្ទសីម៉ា ចេញមុខទទួលខុស តែអ្នកលេងហ្វេសប៊ុកនៅតែទើសតាមបាញ់មិនឈប់!
រំលឹកឡើងវិញបទចម្រៀងដែលជួយឱ្យស្រីតូចច្រឡឹងរូបនេះឈ្នះពានក៏ជាបទចម្រៀងខ្មែរមួយដែលធ្វើឱ្យល្បីល្បាញកក្រើកដល់ប្រទេសថៃ មានអ្នកស្ដាប់ជនជាតិថៃច្រើនពេញនិយមស្ដាប់ និង លេង Tiktok ផងដែរ។
សូមចុចអាន – MV បទ «Are you ok?» របស់ តន់ ចន្ទសីម៉ា ចេញមកលើកនេះល្បីផ្អើ.លដល់នគរថៃ!
កម្មវិធីប្រគល់ពានរង្វាន់ប្រចាំឆ្នាំដែលរៀបចំដោយក្រុមហ៊ុន Smart Axiata នេះមានគោលដៅដើម្បីលើកទឹកចិត្តនិងគាំទ្រស្នាដៃផលិតបទចម្រៀង អ្នកនិពន្ធ និងអ្នកផលិតតន្ត្រីគ្រប់ទម្រង់នៅក្នុងព្រះរាជាណាចក្រកម្ពុជា៕