ក្រោយផ្ទុះរឿងប្រើហិង្សារបស់ Will Smith ទៅ Chris Rock លើឆាកប្រកាសពានរង្វាន់អូស្ការ ធ្វើឱ្យមានមតិផ្សេងៗលើកឡើងច្រើនជុំវិញករណីនេះ ដោយមានអ្នកខ្លះកាន់ជើង Chirs Rock ហើយស្ដីបន្ទោសឱ្យ Will Smith ខណៈអ្នកខ្លះទៀតគាំទ្រទង្វើរបស់ Will ហើយអ្នកដែលស្ថិតក្នុងចំណោមអ្នកគាំទ្រ Will Smith នោះក៏មានលោក គឹម សីហា ស្វាមី គង់ ចាន់ស្រីមុំ មួយរូបផងដែរ។
ពិតណាស់ ដែលរឿងរ៉ាវអំពើហិង្សារបស់តារាហូលីវូដ Will Smith ត្រូវបានសាធារណជនផ្ដោតការចាប់អារម្មណ៍ច្រើន ព្រោះជាករណីប្រើដៃជើងនៅក្នុងកម្មវិធីប្រគល់រង្វាន់ខ្នាតធំ ហើយមានផ្សាយផ្ទាល់លើកញ្ចក់ទូរទស្សន៍ថែមទៀត។
សូមចុចអាន – ចប់ហើយ! ប៉ូលិសត្រៀមចាប់ខ្លួន Will Smith ហើយក្រោយទះកំផ្លៀង Chris Rock ផ្អើលកម្មវិធី Oscars
យ៉ាងណាមិញរឿងនេះត្រូវបានមិត្តសិល្បករជាតិ និងអន្តរជាតិទាំងក្នុងប្រទេសអាមេរិក និងបណ្ដាប្រទេសផ្សេងៗ លើកយកមកជជែកពិភាក្សានិងវែកញែកគ្នា ក្នុងនោះតារាល្បីនិងបុគ្គលល្បីរបស់កម្ពុជាក៏មានមតិយល់ឃើញផ្ទាល់ខ្លួនចំពោះករណីនេះដូចគ្នា។
លោក គឹម សីហា ដែលត្រូវជាស្វាមីរបស់ តារាសម្ដែង និងពិធីការិនីល្បី គង់ ចាន់ស្រីមុំ បានបង្ហាញទស្សនៈផ្ទាល់ខ្លួនរបស់លោក ដោយគ្រាន់តែមើលតាមការបង្ហោះរបស់លោកអាចឱ្យគេដឹងថាលោកគាំទ្រចំពោះទង្វើរបស់ Will ព្រោះលោកឱ្យតម្លៃនៃទង្វើតារាសម្ដែងរូបនេះថាទោះជាខុសប៉ុន្តែចាំបាច់ត្រូវតែធ្វើដើម្បីការពារមនុស្សដែលយើងស្រលាញ់។
លោក គឹម សីហា បានសរសេរនៅលើបណ្ដាញសង្គមថា៖ «ទោះបីគេថាវាជារឿងខុស តែសំរាប់មនុស្សយេីងស្រលាញ់យេីងត្រូវតែការពារ»