មហាសង្ក្រាន្តឆ្នាំថ្មី គន់គូរតាមទំនៀមឱ្យដឹងថា នឹងរំកិលចូលមកដល់នៅថ្ងៃព្រហស្បតិ៍ ទី១៣កើត ខែចេត្រ ពុទ្ធសករាជ ២៥៦៥ ត្រូវនឹងថ្ងៃព្រហស្បតិ៍ ទី១៤ ខែមេសា គ្រឹស្តសករាជវេលាម៉ោង ១០:០០នាទីព្រឹក ដល់ទីចុងជួបរវាងមីនរាសី និងមេសរាសី ។ នេះបើតាមសៀវភៅមហាសង្ក្រាន្តឆ្នាំខាល ចត្វាស័ក។
ក្នុងកាលវេលាព្រឹក ទើបមានទេពធីតាមួយព្រះអង្គព្រះនាម កិរិណីទេវី ជាបាទបរិចាកា គង់នៅចាតុម្មហារាជិកា ឆកាមាសួគ៌ជាន់ទី១ អម្ពរពស្ត្រាពណ៌ស្លឹកចេកស្រស់ (បៃតង) ស៊កសៀតលម្អព្រះកាណ៌ដោយ បុប្ផាមន្ទារវបុស្ប គ្រឿងប្រដាប់ដោយ កែវមរកត ចិញ្ចាចរស្មី រីភក្សាហារទ្រង់សោយ ធញ្ញហារ មានសាស្ត្រាវុធជា កង្វេរ (ក្ងក់ទាក់កាវដំរី) កាន់នៅនាព្រះហស្ថស្តាំ និងកាំភ្លើង (អសនី) ទ្រនាប់កាន់នៅព្រះហស្ថឆ្វេងធីតានាងគង់ឈរគន់រំពៃលើខ្នងពាហន: គជសារ (ដំរី) ជាយាន ចុះចាកសួគ៌ាមកកាន់ជម្ពូទ្វីបា។
ទេវតាឆ្នាំថ្មី ឆ្នាំខាល ទ្រង់សោយសណ្តែកល្ងជាចំណី តាមទំនៀមពីបុរាណរៀងរហូតមក គេត្រូវរៀបរានទទួលទេវតា នៅខាងមុខផ្ទះមួយ សម្រាប់តាំងគ្រឿងពលីការផ្សេងៗ ត្រូវរៀបក្រាលសំពត់ពណ៌ស ហើយរៀបចំនូវគ្រឿងសក្ការបូជាជាដង្វាយថ្វាយទេវតា។
អំពីសង្ក្រាន្តឆ្នាំខាល៖
មកដឹងពី៖ មហាសង្ក្រានឆ្នាំខាល ចត្វាស័ក ឆ្នាំ២០២២
មកដឹងទាំងអស់គ្នា! ពីទំនាយតាមថ្ងៃសង្ក្រាន្តទាំង៣ថ្ងៃ
រូបភាពពី Aok Sokunkanha – ឱក សុគន្ធកញ្ញា
