ទង្វើដ៏ប្រពៃរបស់អ្នកនាង គង់ ចាន់ស្រីមុំ ក្រុមការងារ មូលនិធិវត្តព្រៃម្លូ រស់ដោយធម៌ Wat Prey mlou lives by Dharma និង MOMO charity កំពុងត្រូវបានមហាជនកោតសរសើរក៏ដូចជាអនុមោទនាបុណ្យកុសលដោយសារអ្នកនាងបានជួយស្ត្រីវ័យចំណាស់មានជីវភាពខ្វះខាតនិងគ្មានផ្ទះសម្បែងរស់នៅ។
កាលពីថ្ងៃទី១៣ ខែមេសា ម្សិលមិញនេះអ្នកនាង គង់ ចាន់ស្រីមុំ ដែលជាតារាសម្ដែងនិងជាពិធីការិនីដ៏លេចធ្លោមួយរូបនោះបានដឹកដៃស្វាមីលោក គឹម សីហា ទៅកាន់ខេត្តតាកែវដើម្បីធ្វើការប្រគល់ផ្ទះតូចមួយខ្នងជូនដល់អ្នកមីង មឹន ណាន់ មានវ័យ៥៨ឆ្នាំ ជាស្ត្រីចំណាស់មានជំងឺប្រចាំកាយពុកឆ្អឹង មិនមានមុខរបរដោយសារតែជំងឺធ្វើទុក្ខ មានផ្ទះសំបែងរស់នៅជារបស់ខ្លួនឯង។
អាស្រ័យដោយម្ចាស់ផ្ទះដែលអ្នកមីងរស់នៅជាមួយមានទឹកចិត្តល្អបានប្រគល់ដីក្រោយផ្ទះ ទើបសម្រេចសាងសង់លំនៅដ្ឋានជូនអ្នកមីងបានរស់នៅសមរម្យ។ ក្រៅពីប្រគល់ផ្ទះជូនដល់អ្នកមីង ហើយនោះក៏នៅមានអំណោយបន្តិចបន្តួចដូចជាអង្ករ ត្រីខ មី និងថវិកាមួយចំនួនទៀតផងដែរ។
អ្នកនាង គង់ ចាន់ស្រីមុំបានថ្លែងអំណរគុណចំពោះសទ្ធាជ្រះថ្លារបស់ពុកម៉ែ បងប្អូន អ៊ុំពូមីង ដែលបានចូលរួមជួយឱ្យកិច្ចការងារនេះសម្រេចទៅបានដោយជោគជ័យ ក្នុងនោះដែរអ្នកម្ដាយដ៏ស្រស់សោភារូបនេះបានប្ដេជ្ញាថានឹងបន្តបង្កើតមូលនិធិម៉ូម៉ូ ក្រោមការដឹកនាំដោយព្រះអង្គ ថុងរី (រស់ដោយធម៌) ដើម្បីបន្តចូលរួមជួយដល់អ្នកដែលមានជីវភាពខ្វះ។
ជាចុងក្រោយអ្នកនាង ក៏បានអំពាវនាវសូមឱ្យបងប្អូនទាំងអស់បន្តចូលរួមជាមួយនឹងក្រុមគ្រួសារអ្នកនាងដើម្បីអាចបន្តការងារមនុស្សធម៌នេះបានតទៅមុខទៀត៕
ប្រភព៖ Facebook Kong chansreymom
អត្ថបទទាក់ទង៖
- មុខជំនួញត្រូវប៉ាន់ គង់ ចាន់ស្រីមុំ បច្ចុប្បន្នសល់ក្រដាសប្លង់ ៦កន្លែងទុកជាមរតកសម្រាប់កូន!
- ស្អាតប្លែក! មកុដ«ស៊ីរ៉ាំង» និងឈុតរ៉ូបធ្វើពី «ម៉ាស» របស់ គង់ ចាន់ស្រីមុំ គំនិតច្នៃប្រឌិតថ្មី បំផុសពីការពារសុខភាព
- ក្នុងនាមបុរសស្រលាញ់ប្រពន្ធខ្លាំង ប្ដី គង់ ចាន់ស្រីមុំ អះអាងថាទង្វើហិង្សារបស់ Will Smith មិនខុសទេ!
- ឆ្នាំនេះ! អ្នកនាង គង់ ចាន់ស្រីមុំ និង ម៉ូម៉ូ លេងស្ទាយដូចម្ចាស់ក្សត្រិយ៍រាជវង្សចិនបុរាណ
