ថៃ! តារាស្រី៨ដួងប្រជែងគ្នាប្ដូរឆោមជាព្រះនាងកិរិណីទេវី បុត្រីទី៥ កបិលមហាព្រហ្មអបអរឆ្នាំថ្មីថៃដូចគ្នា

ថៃ – តារាស្រី៨ដួងបាននាំគ្នាប្ដូររូបប្ដូរឆោមតុបតែងកាយជាទេពធីតាសង្ក្រាន្តឆ្នាំខាល ព្រះនាងកិរិណីទេវី យ៉ាងស្រស់ស្អាត សង្កត់កែវភ្នែកគ្រប់ៗគ្នាមិនឱ្យងាកទៅណាព្រោះមើលមកពីជ្រុងណាក៏ស្អាតគ្មានចំណុចរិះគន់កើត។

នៅក្នុងប្រទេសខែមេសា គឺជាខែដែលមនុស្សម្នាគ្រប់រូបទន្ទឹងរង់ចាំព្រោះមានថ្ងៃសំខាន់ដែលអនុញ្ញាតឱ្យប្រជាជនបានឈប់សំរាករយៈពេលវែងគឺ «ទេសកាលសង្ក្រាន្ត» ឬ «ថ្ងៃចូលឆ្នាំថ្មីថៃ» ដែលត្រូវនឹងថ្ងៃទី១៣-១៥មេសា រាល់ៗឆ្នាំ ដោយក្នុងនោះមានកិច្ចជាច្រើនដែលគ្រប់គ្នាបានបំពេញមានដូចជា ស្រង់ព្រះ (ងូតទឹកជូនចាស់ទុំ) ចូលវត្តចូលវ៉ា និងកិច្ចកម្សាន្តផ្សេងៗ។

ក្រៅពីនោះសូម្បីតែតារាសម្ដែងក៏មិនចាញ់គេដែរព្រោះម្នាក់ៗបានតុបតែងខ្លួនជាព្រះនាងកិរិណីទេវី ទេវតាសង្ក្រាន្តដែលចុះមកថែរក្សាពិភពលោកក្នុងឆ្នាំថ្មីនេះ។ ទេវធីតា ដែលនឹងយាងមកគ្រប់គ្រងជម្ពូរទ្វីបមនុស្សលោក ឆ្នាំថ្មីនេះ ជាបុត្រីទី ៥ នៃកបិលមហាព្រហ្ម ព្រះនាង កិរិណីទេវី គង់នៅចាតុម្មហារាជិកាទ្រង់អម្ពរពណ៌ បៃតង លម្អនៅព្រះកាណ៌ដោយសៀតផ្កាមន្ទា អភរណៈកែវមរកត ភក្សាហារទ្រង់សោយ សណ្ដែក-ល្ង ព្រះហស្តស្ដាំទ្រង់ កង្វេរ ព្រះហស្តឆ្វេងទ្រង់ កាំភ្លើង ទ្រង់គង់ឈរបើកព្រះនេតនៅលើខ្នង ដំរី (គជសារ) ជាយានពាហនៈ។

ទស្សនារូបភាពតារាថៃ ៨ដួងតុបតែងកាយជាព្រះនាងកិរិណីទេវីខាងក្រោម៖