អាមេរិក – Angelina Jolie និង Brad Pitt គឺជាអតីតគូស្វាមីភរិយាដ៏មានឥទ្ធិពលបំផុតរបស់ហូលីវូដ ប៉ុន្តែបច្ចុប្បន្នអ្នកទាំងពីរបានចែកផ្លូវដើររៀងខ្លួនហើយ។ ក្រោយដំណឹងលែងលះនេះអ្នកគាំទ្រជឿជាក់ថា Brad Pitt នៅក្នុងសម្ព័ន្ធភាពស្នេហាមានភាពល្អប្រសើរជាងព្រោះមានដំណឹងស្នេហាជាញឹកញាប់ ខណៈដែលអតីតភរិយានៅបន្តភាពនៅលីវរបស់ខ្លួនរហូតមកដល់ឆ្នាំ២០២២នេះ។
តើលោកស្រី Angelina មានចេតនាសុខចិត្តឯកា ឬមួយលោកស្រីកំពុងរង់ចាំការវិលមកជួបជុំគ្នាជាថ្មីជាមួយនឹងអតីតស្វាមី Brad Pitt? តើរឿងរ៉ាវលែងលះរបស់អ្នកទាំងពីរធ្វើឱ្យអ្នកមេម៉ាយកូន៦រូបនេះរាងចាលរឿងស្នេហាឬយ៉ាងណា? ខាងក្រោមនេះគឺជាមូលហេតុដែលធ្វើឱ្យ Angelina សុខចិត្តនៅ Single ក្រោយពីលែងលះជាមួយនឹងអតីតស្វាមី!
ហេតុអីបានជា Angelina Jolie នៅ Single?
ចម្លើយនោះត្រូវបានម្ចាស់ខ្លួន Angelina Jolie ឆ្លើយតបថា លោកស្រីទទួលស្គាល់ថាលោកស្រីទាមទារស្ដង់ដាកម្ពស់បន្តិចសម្រាប់ដៃគូស្នេហាថ្មី។ ថ្វីត្បិតតែរាជិនីសម្រស់ដ៏ពោរពេញដោយថាមពលរបស់ហូលីវូដរូបនេះលើកឡើងដូច្នេះក្ដី ប៉ុន្តែអ្នកគាំទ្រនៅតែរកឃើញថាទំនាក់ទំនងរវាងតារាស្រីរូបនិងតារាចម្រៀង Weeknd ប្រហែលជាអាចទៅរួច។
រូបភាពដែលតារាល្បីពីរដួងជួបគ្នានៅក្នុងភោជនីយដ្ឋានអ៊ីតាលីនិយាយគ្នារាប់ម៉ោងស្ដីពីគម្រោងជួយដល់មនុស្សជាតិដើម្បីឱ្យកុមារមានជីវិតកាន់តែល្អប្រសើរ គឺជាដើមចមដែលមហាជនយល់ឃើញថាអាចនឹងធ្វើឱ្យអ្នកទាំងពីរមានអារម្មណ៍ល្អៗចំពោះគ្នាទៅវិញទៅមក។
ប៉ុន្តែប្រភពជិតស្និទ្ធបានច្រានចោលពាក្យចចាមអារ៉ាមនេះ ដោយនិយាយថា «ពួកគេមិនបានណាត់ជួបគ្នានោះទេ។ The Weeknd គ្រាន់តែរីករាយដែលបានស្គាល់ Jolie ហើយមានអារម្មណ៍ល្អនិងស្និទ្ធស្នាលគ្នា»
ការបែកបាក់គ្នារវាងគ្នា Angelina Jolie និង Brad Pitt កើតឡើងដោយសារតែអតីតស្វាមីបានប្រព្រឹត្តិអំពើមិនគប្បីចំពោះលោកស្រីនិងកូនៗរបស់គេ ដែលនេះគឺជាមូលហេតុចម្បងបណ្ដាលឱ្យលោកស្រី Angelina កើតទុក្ខមិនសុខចិត្ត។
Her break-up with Brad Pitt caused a lot of harm to her and their children, which makes Angelina most upset.
ជារឿយៗនៅពេលមានសំនួរលើកឡើងពីគម្រោងបើកចិត្តចំពោះស្នេហាថ្មីឬយ៉ាងណានោះ លោកស្រី Angelina Jolie គ្រាន់តែឆ្លើយតបដោយខ្លីៗថាលោកស្រីយកចិត្តទុកដាក់និងយកបេះដូងទៅមើលថែទាំងកូនៗទាំង៦នាក់ ក៏ដូចជាធ្វើកិច្ចការងារជួយដល់មនុស្សជាតិ ជាជាងស្វែងរកអារម្មណ៍ស្នេហាសម្រាប់ខ្លួនឯង៕
ប្រភព៖ The Things
អត្ថបទទាក់ទង៖
- សង្ស័យបង្កាត់ភ្លើងស្នេហ៍ ឃើញ Angelina Jolie និង បុរសវ័យក្មេង ណាត់គ្នាបាយល្ងាច!
- Jolie ដាច់ចិត្តទម្លាយឈ្លោះជាមួយអតីតស្វាមីព្រោះតែទៅសេពគប់មនុស្សចង់រំលោភអ្នកស្រី!
- Brad Pitt ទទួលបានសិទ្ធិមើលថែកូនៗទាំង៦នាក់ជាមួយអតីតភរិយាជាបណ្ដោះអាសន្ន!
- រឿងសំខាន់៤ ពី Maddox កូនចិញ្ចឹម ជនជាតិខ្មែរដែលល្បីល្បាញបំផុតក្នុងប្រវត្តិសាស្ត្រហូលីវូដ!
- លើកទីមួយ Angelina ទទួលស្គាល់ថាទិវាអ្នកម្ដាយធ្វើឱ្យខ្លួនរំជួលចិត្តខ្លាំង!
