កាលពីយប់ទី២២ ខែមេសាឆ្នាំ២០២២ បទចម្រៀង «Run the Town» បទចម្រៀង Collaboration ទីមួយរវាងកំពូល Rapper ប្រទេសកម្ពុជានិង Rapper ល្បី៣ដួងរបស់ថៃមាន FHERO , 1MILL , SPRITE ត្រូវបានផលិតកម្ម High Cloud Entertainment បង្ហោះឱ្យហ្វេនៗដែលទន្ទឹងរង់ចាំយ៉ាងអន្ទះសារបានទស្សនាហើយ។ យ៉ាងណាមិញក្រៅពីវត្តមានកំពូល Rapper វណ្ណដា ថៃក៏នៅមាន Surprise សម្រាប់ហ្វេនៗផងដែរព្រោះក្នុងវីដេអូនោះក៏មានវត្តមាន Rapper ដ៏ល្បីពីប្រទេសជាមិត្តក្នុងតំបន់អាស៊ានមួយរូបទៀតដែរ។
នៅក្នុងឆាណែលផលិតកម្ម High Cloud Entertainment លោក F.Hero បានចូលមក Comment បង្ហាញពីក្ដីរំភើប ថ្លែងអំណរគុណ និងគោរពចំពោះ វណ្ណដា ក៏ដូចជាផលិតកម្ម Baramey ដែលចូលរួមសហការធ្វើឱ្យការច្រៀងច្របាច់បញ្ចូលគ្នានេះអាចកើតមានឡើងបាន ហើយក៏ជាប្រវត្តិសាស្ត្រថ្មីដ៏មានអត្ថន័យសម្រាប់ប្រទេសក្នុងតំបន់ផងដែរ។ ក្នុងនោះលោកក៏មិនភ្លេចរំលេចពី Rapper មកពីប្រទេសជាមិត្ត ភូមិផងរបងជាមួយគឺ Rapper មកពីប្រទេសឡាវ ដែលបានចូលរួមសម្ដែងនិងបង្ហាញវត្តមានក្នុង MV បទចម្រៀងនេះដូចគ្នា។
ជារួមតារាចម្រៀងរ៉ែប (Rap) មាឌយក្សរូបនេះបានបង្ហាញពីអារម្មណ៍ខ្លួនថា វាដល់ពេលនហើយដែលឱ្យពិភពលោកបានដឹងពីវិស័យរ៉ែបនៅតំបន់អាស៊ី។ លោកបានសង្កត់ធ្ងន់ថាក្ដីស្រលាញ់តែមួយ ក្នុងវិស័យ Hiphop កម្ពុជា ឡាវ ថៃ។
ថ្វីត្បិតតែដំបូងឡើយបទចម្រៀងនេះ ហាក់ដូចជាមានបញ្ហាចម្រូងចម្រាសបន្តិចបន្តួចដោយសារតែមានហ្វេនមួយចំនួនហាក់មិនយល់ស្របចំពោះ Collaboration រវាង វណ្ណដា និងតារាចម្រៀងថៃ ប៉ុន្តែនៅពេលដែលបទចម្រៀងនេះបានបញ្ចេញឱ្យទស្សនាជាផ្លូវការនៅលើឆាណែលយូធូប មានតែសំឡេងកោតសរសើរនិងសម្រែកទាមទារឱ្យបន្តមាន Project ពិសេសបែបនេះជាបន្តទៀត ខណៈដែលមតិរិះគន់មិនមានឱ្យឃើញនោះឡើយនៅត្រង់ចំណុច Comment។
ទស្សនាបទចម្រៀង «Run the Town» ស្នាដៃច្រៀងរួមគ្នាវណ្ណដា និង Rapper ថៃខាងក្រោម៖
អត្ថបទទាក់ទងនឹង វណ្ណដា ៖
- នៅទីបំផុត! បទចម្រៀងថ្មីរវាង វណ្ណដា និង Rapper ថៃល្បី៣រូប ត្រៀមបញ្ចេញនៅថ្ងៃស្អែកនេះហើយ
- ហ្វេនខ្លះមិនសប្បាយអរទេ ក្រោយឃើញរូប វណ្ណដា និង Rapper ថៃល្បីៗ ព្រមទាំងដំណឹងបែកធ្លាយថា…
- ចប់ការប្រគំតន្ត្រី «$KULL TOUR» ហ្វេននាំគ្នាវែកញែករឿងចេកអំបូងរបស់ វណ្ណដា ថាមកម្ដងនេះកាន់តែកាច
- វណ្ណដា ចេញតែ Poster និងចំំណងជើងបទ «ឈាមខ្មែរ» អ្នកគាំទ្រអន្ទះអន្ទែងចង់ស្ដាប់ បន់ឱ្យតែដល់យប់!
