បើតាមការបញ្ចេញពីតារាចម្រៀងរ៉េប លោក វណ្ណដា បានបញ្ជាក់ឱ្យដឹងថា បទចម្រៀងរួមគ្នាលើកដំបូងជាមួយនឹង Rapper ថៃល្បីៗ គឺត្រៀមបញ្ចេញនៅថ្ងៃទី ២២ ខែមេសា នេះ។ ដោយឡែកបទថ្មីនេះមានចំណងជើងថា «RUN THE TOWN » ដែលនឹងបង្ហោះនៅលើយូធូបរបស់ High Cloud Entertainment នាវេលាម៉ោង ៧យប់។
វណ្ណកម្មថ្មីមួយនេះ ត្រូវបានសហការរវាង Baramey Production និង High Cloud Entertainment ដែលមានតារាចម្រៀង វណ្ណដា និងតារារ៉េបថៃដូចជា FHERO , 1MILL , SPRITE មកជុំគ្នាក្នុងបទចម្រៀងតែមួយ។ យ៉ាងណាមិញ គេរំពឹងទុកថា វណ្ណកម្មថ្មីនេះនឹងអង្រួនបេះដូងរបស់ហ្វេនទាំង កម្ពុជា និងថៃ រួមទាំងសកលលោកផងដែរ។
គេក៏បានដឹងបន្ថែមថា តារារ៉េប FHero គឺតារាចម្រៀងមាឌយក្សធ្លាប់ Collaboration ជាមួយនឹង NCT & BamBam ក៏ដូចជាតារាចម្រៀងវ័យក្មេងម្ចាស់ពាន The Rapper របស់ Workpoint គឺ Sprite ដោយតារាចម្រៀងក្មេងរូបនេះល្បីល្បាញខ្លាំងធ្លាប់មានបទចម្រៀងជាប់ តារាងចម្រៀងអន្តរជាតិ billboard hot 100 ថែមទៀតផង។ រីឯរ៉េបភើ 1MILL គឺជាតារារ៉េបពីសមាជិកនៃក្រុម ALREADY DEADD និងតួឯកប្រុសរបស់យើងគឺ វណ្ណដា (VannDa) គឺជាតារារ៉េបរបស់ផលិតកម្មបារមី ដែលទទួលស្គាល់ចំពោះបទចម្រៀង Time To Rise ៕
អត្ថបទពាក់ព័ន្ធ៖
ដោយសារមូលហេតុនេះ វណ្ណដា សម្រេចទទួលតំណែងជាទូតសុច្ឆន្ទៈលើកដំបូង
ខែរងា! គ្រាន់តែ វណ្ណដា បង្ហាញកាយវិការឱបស្និទ្ធស្នាលជាមួយនារីស្អាតម្នាក់ ផ្អើលអស់អ្នកគាំទ្រ
ខ្សែកពេជ្របន្តោងលលាដ៍ក្បាលរបស់ វណ្ណដា មានតែមួយគត់លើលោក!