កាលពីយប់មិញ (១៦ តុលា ២០២២) នេះមានដំណឹងដ៏រីករាយមួយសម្រាប់អ្នកគាំទ្ររបស់កញ្ញា រឿន ណាត
ព្រោះស្រីស្អាតរូបនេះទទួលបានពានរង្វាន់កិត្តិយសពីកម្មវិធីដ៏ធំកម្រិតអន្តរជាតិនៅប្រទេសកូរ៉េ។
អានអត្ថបទ លោក ហ្វៃ សំអាង ប្រមូលបវរកញ្ញា និង Super Star លំដាប់ប្រទេស មកសម្ដែងក្នុងរឿងភាគ «អប្សរាមហាអង្គរ»
អានអត្ថបទ រឿន ណាត រំលឹកអតីតជីវិតជូរជត់ ដៃកាន់ចបកាប់ដីដាំបន្លែយ៉ាងកម្សត់កម្រតស៊ូដើម្បីរស់
មុនចេញពីប្រទេសកូរ៉ខាងត្បូង កញ្ញា រឿន ណាត ត្រូវបានអ្នកនិពន្ធ និងដឹកនាំល្បី ហ្វៃ សំអាង ប្រកាសជ្រើសរើសជាតួអង្គ ព្រះនាងជ័យរាជទេវី ជាព្រះអគ្គមហេសី ព្រះបាទជ័យវរ្ម័នទី៧ ក្នុងភាពយន្តភាគខ្នាតធំរឿង «អប្សរាមហាអង្គរ»។
យោងតាមការបង្ហោះដោយសាមីខ្លួនផ្ទាល់ ក៏ដូចជា Admin page ធំៗមួយចំនួនបានបង្ហោះចែករំលែកដំណឹងរីករាយដែលអតីត Queen នៃកម្មវិធី Miss Universe 2018 គឺកញ្ញា រឿន ណាត ដែលទើបតែបានហោះទៅប្រទេសកូរ៉េដើម្បីចូលរួមកម្មវិធី Asia Model Festival 2022 ដើម្បីធ្វើជាគណៈកម្មការនៃកម្មវិធី។
លើសពីនេះកញ្ញាត្រូវបានកម្មវិធីដ៏ធំកម្រិតអន្តរជាតិមួយនេះផ្ដល់ជូនពានរង្វាន់កិត្តិយស Model Star Award តំណាងឱ្យប្រទេសកម្ពុជាផងដែរ។សាធារណជនដែលជាអ្នកគាំទ្រនារីស្រអែមស្រស់បែបនារីខ្មែររូបនេះបានចូលរួមអបអរសាទរចំពោះកញ្ញា ដែលទទួលបានមហាកិត្តិយសដ៏ធំធេងជាពិសេសគឺបានបង្ហាញពីប្រទេសកម្ពុជានៅលើវេទិការអន្តរជាតិ។
អានអត្ថបទ ឈុតតំណាងជាតិ គ្រងដោយ រឿន ណាត ផ្ទុះការចាប់អារម្មណ៍ជាថ្មីដោយសារថៃចម្លងអង្គរវត្តខ្មែរ
គេថាផឹកត្រូវនឹកប្រភព ជ្រកម្លប់កុំភ្លេចដើមឈើ ឆ្លៀតក្នុងឱកាសដ៏រីករាយនេះកញ្ញា រឿន ណាត នៅពេលឡើងទទួលរង្វាន់ កញ្ញាក៏បានឆ្លៀតឱកាសថ្លែងអំណរគុណ ចំពោះអ្នកគាំទ្រ និងជាពិសេសគឺលោក ម៉ែន និមលរ័ត្ន ដែលតែងតែជួយលើកស្ទួយ និង ផ្ដល់ឱកាសឱ្យកញ្ញា ពោលលោកគឺជាមនុស្សម្នាក់ជួយបណ្ដុះបណ្ដាលឱ្យកញ្ញាមានភាពលេចធ្លោ ទទួលបានប្រជាប្រិយភាព និងមានកេរ្តិ៍ឈ្មោះបោះសំឡេងក្នុងវិស័យដើរម៉ូដ៕
