រឿងភាគចិន នៅតែទទួលបានការគាំទ្រយ៉ាងច្រើន ពីអ្នកទស្សនា ទោះជាមួយរយៈក្រោយមកនេះ រឿងភាគកូរ៉េវាយលុកខ្លាំងលើពិភពលោក ក៏ដូចជានៅក្នុងប្រទេសកម្ពុជាយើងក្ដី។ យ៉ាងណាមិញរឿងភាគចិន ចំនួន៦ រឿងរបស់ចិននេះ មិនថាថតឡើងវិញប៉ុន្មានលើក ក៏នៅតែទទួលបានការគាំទ្រនិងល្បីល្បាញខ្លាំងជានិច្ច។ ចង់ដឹងថារឿងភាគចិន ទាំង៦ នេះមានរឿងអ្វីខ្លះ សូមតាមដាននៅខាងក្រោមនេះ៖
1. Meteor Garden 2018 «ស្នេហាបួនដួង F4»
˗ សម្តែងដោយ Dylan Wang, Shen Yue
˗ រឿង F4 ប្រហែលជាមិត្តទស្សនា ដែលគាំទ្ររឿងភាគមិនថាក្មេងចាស់ប្រាកដជាស្គាល់ ព្រោះមានទាំង Version ចិនតៃវ៉ាន់（2001） ចិនដីគោក（2009）កូរ៉េ（2009） និងជប៉ុន（2005） ហើយមិនថាជាសាសន៍អ្វី គឺសុទ្ធតែមានហ្វេនគាំទ្រខ្លាំងជានិច្ច រហូតថតដល់ទៅភាគ២។ នៅឆ្នាំ២០១៨ រឿង Meteor Garden ឬហៅថា F4 ត្រូវបានថតនិងចាក់ផ្សាយម្តងទៀត ដោយតួចិនដីគោក ដោយតួប្រុស Dao Mingsi សម្តែង Dylan Wang តួស្រី Dong Shancai សម្តែងដោយ Shen Yue, Darren, Jingkang Liang និង Caesar សុទ្ធសឹងតែប្រុសស្អាតស្រីស្អាតដែលកើតឆ្នាំក្រោយ៩៥ (95s) សាច់រឿងសម្តែងដូចនឹងរឿងភាគចិនតៃវ៉ាន់ ប៉ុន្តែ ការតែងខ្លួនកាត់តាមស្ទាយបែបកូរ៉េខ្លះ ធ្វើឱ្យអ្នកទស្សនាចាប់ចិត្ត ហើយនៅតែទស្សនាម្តងទៀត ទោះបីជាបានដឹងពីសាច់រឿងស្ទើរតែទាំងអស់ហើយក៏ដោយ។
សូមចុចអាន៖ តិចស្ដាយក្រោយ! កុំភ្លេចមើលភាពយន្តភាគចិនល្អ ផ្ដាច់គេប្រចាំខែឧសភានេះ
2. New Legend of Madame White Snake 2019 «យុទ្ធសិល្ប៍ទេពធីតាពស់ស»
˗ សម្តែងដោយ Alan Yu, Kiku
˗ New Legend of Madame White Snake ឬ ទេពធីតាពស់សវគ្គថ្មី សម្តែងពីរឿងរ៉ាវស្នេហារវាងតួប្រុស Xu Xian សម្តែងដោយ Alan Yu និងតួស្រី Bai Niangzi សម្តែងដោយ Kiku។ រឿងនេះក៏ត្រូវបានថតឡើងវិញជាចំនួន៥ដងមកហើយ ដែលរឿងភាគដំបូងត្រូវបានថតនៅឆ្នាំ១៩៩២ ដោយទទួលបានការចាប់អារម្មណ៍ខ្លាំង។ ចំណុចដែលពិសេស version ដំបូងរបស់ Legend of Madame White Snake តួប្រុស Xu Xian ការពិតជាមនុស្សស្រីសម្តែងជាប្រុស ប៉ុន្តែ គាត់សម្តែងបានដូចនឹងចរិតដែលនិពន្ធបានបរិយាយខ្លាំងមែនទែន ដែលធ្វើឱ្យរឿងនេះ ត្រូវបានបរទេសជាច្រើនពេញចិត្ត និងគាំទ្រជាខ្លាំង។ រឿងដែលបានថតក្រោយៗ ក៏បានទទួលការចាប់អារម្មណ៍ដូចគ្នា ហើយ New Legend of Madame White Snake 2019នេះ ក៏បានបញ្ចូលឈុតឆាកថ្មីៗជាច្រើន ដើម្បីឱ្យកាន់តែទាក់ទាញ។
3. The Legend of the Condor Heroes 2017 «រឿងទេពឥន្ទ្រីសេនាក្លាហាន»
˗ សម្តែងដោយ William, Li Yi Tong
˗ រឿងទេពឥន្ទ្រីសេនាក្លាហាន គួក ជីង និង ហួង រ៉ុង ប្រហែលជាមិត្តអ្នកទស្សនា ប្រាកដណាស់ថាស្គាល់ច្បាស់ខ្លាំង អ្នកក្លាហាន និងស្រីស្អាតដូចទេពអប្សរ ដែលតែងតែពាក់អាវស។ ខុសពីរឿងភាគមុន ដែលថតតាមសៀវភៅ Manga ជប៉ុន រឿងចិនបុរាណ ដែលនិពន្ធដោយលោក Louis Cha Leung-yung (1924-2018) អ្នកនិពន្ធល្បីនៅប្រទេសចិន ដែលបានទទួលពានរង្វាន់ជាច្រើន ហើយក៏ល្បីឈ្មោះខ្លាំងនៅប្រទេសអាស៊ីជាច្រើន។ The Legend of the Condor Heroes ជារឿងទីមួយក្នុងចំណោមរឿងទាំងបី ក្នុងសៀវភៅស៊េរីរឿង Condor Trilogy ដែលលោកបាននិពន្ធ និងល្បីឈ្មោះបំផុត។ រឿងនេះត្រូវបានថតឡើងវិញសរុបចំនួន ៧ដង និងនៅមានរៀបចំជារឿងកុនជាច្រើនដងទៀត។ The Legend of the Condor Heroes version ដែលកន្រ្តាក់បេះដូងទស្សនិកជននៅចិនច្រើនបំផុត ច្រើនជាង version ដើមគឺរឿងដែលថតនៅឆ្នាំ១៩៨៣។ ក្នុងនោះ តារាស្រីតៃវ៉ាន់ Ariel Lin និងតួសម្តែងប្រុស Huge/Hugh ក៏ធ្លាប់សម្តែងរឿងនេះផងដែរ នៅឆ្នាំ២០០៨ផងដែរ។
4. The Return of the Condor Heroes 2019 «រឿងទេពឥន្ទ្រីបក្សីស្នេហ៍»
˗ សម្តែងដោយ Tong MengShi, Mao Xiaohui
˗ រឿងទេពឥន្ទ្រីបក្សីស្នេហ៍ យ៉ាង គួរ និង សៀវ ឡុងនី ប្រាកដណាស់ថាមិត្តទស្សនា ស្គាល់ច្បាស់ខ្លាំង អ្នកក្លាហាន និងស្រីស្អាតដូចទេពអប្សរ។ ហើយរឿងនេះក៏ជារឿងទី២ ក្នុងស៊េរីរឿង Condor Trilogy។ រឿងនេះត្រូវបានថតដំបូងនៅឆ្នាំ១៩៨៣ ត្រូវបានយកមកថតឡើងវិញចំនួន៨ដងជារឿងភាគ និងនៅមានថតជារឿងកុន សរុប ១២ដង។ តួប្រុស Yang Guo សម្តែងដោយ Tong MengShi តួស្រី Xiao Longnv សម្តែងដោយ Mao Xiaohui។ ប៉ុន្តែការថតឡើងវិញ វាក៏ជា challenge មួយសម្រាប់អ្នកនិពន្ធ និងតួសម្តែង។ ប៉ុន្តែស្ទើរតែគ្រប់ version របស់រឿងនេះ សុទ្ធតែទទួលបានការចាប់អារម្មណ៍។ សូម្បីតែ Crystal Liu តារាស្រីជួរមុខ ក៏ធ្លាប់បានសម្តែងតួសៀវ ឡុងនី Versionឆ្នាំ ២០០៦ ជាមួយនឹងលោក Huang Xiaoming។
5. Heavenly Sword and Dragon Slaying Sabre 2019 «ចាង អ៊ូជី»
˗ សម្តែងដោយ Joseph Zeng, Yukee
˗ តួប្រុស ចាង អ៊ូជី អ្នកក្លាហានក្នុងដួងចិត្តរបស់មនុស្សជំនាន់៩០ជាងស្ទើរគ្រប់គ្នា។ ហើយដែលមិននឹកស្មានដល់គឺរឿងនេះជារឿងទី៣ ក្នុងស៊េរីរឿង Condor Trilogy ដែលនិពន្ធដោយលោក Louis Cha Leung-yung (1924-2018)។ រឿងនេះត្រូវបានយកមកថតឡើងវិញក្នុងឆ្នាំ២០១៩ ហើយសរុបនៃការថតឡើងវិញមានចំនួន ១៣ដងហើយ ទាំងរឿងភាគ និងរឿងកុន។ Joseph Zeng សម្តែងជាតួអង្គ ចាង អ៊ូជី និង Yukee សម្តែងជា Zhao Min ខ្សែរាជវង្ស។ ទោះបីរឿងនេះបានថតជាច្រើនដងមកហើយ ប៉ុន្តែ រឿងភាគថ្មីនេះ នៅតែបានទទួលការគាំទ្រជាច្រើនពីទស្សនិកជន ហើយរឿងភាគក៏ជារឿងដែលថតចេញពីសៀវភៅដែលអ្នកនិពន្ធ Louis Cha Leung-yung ម្ចាស់រឿង The Return of the Condor Heroes។ រឿងនេះត្រូវបានថតជាលើកដំបូងនៅឆ្នាំ១៩៧៨ ប៉ុន្តែ ចាប់ផ្តើមធ្វើឱ្យទស្សនិកជនស្គាល់រឿងនេះកាន់តែច្រើនគឺចាប់ផ្តើមពី version ឆ្នាំ២០០១។ ក្នុងនោះ Chao Deng និង Ady Ann ក៏ធ្លាប់សម្តែងរឿងនេះផងដែរ នៅឆ្នាំ២០០៩។
6. Journey to the West «ដំណើរចម្លងធម៌ទៅទិសខាងលិច»
˗ រឿងស៊ុន អ៊ូខុង «ដំណើរចម្លងធម៌ទៅទិសខាងលិច» ប្រហែលជារឿងដែលថតឡើងវិញច្រើនជាងគេបំផុតក្នុងចំណោមរឿងចិនទាំងអស់ ដែលមានចំនួនលើសពី៣០ដងទៅទៀត មិនត្រឹមតែប៉ុណ្ណោះ រឿងនេះ ត្រូវបានបរទេសយកទៅថតជាច្រើនទៀត ដូចជាជប៉ុន អាមេរិក វៀតណាម អូស្ត្រាលី និងអាល្លឺម៉ង់ ព្រមទាំងថតចេញជាខ្សែភាពយន្តបែបតុក្កតាថែមទៀតផង។ ចំនួនសរុបក្នុងការផ្សាយឡើងវិញ ឡើងខ្ពស់ទៅ៣០០០ដង និងមានកិត្តិនាមល្បីទូទាំងពិភពលោកផងដែរ។ រឿងនេះត្រូវបានថតជាលើកដំបូងនៅឆ្នាំ១៩៨២ ដោយថតតាមវគ្គ ព្រមទាំងបន្តចេញផ្សព្វផ្សាយជាច្រើនវគ្គបន្តបន្ទាប់ជាច្រើនទៀត ហើយរឿងនេះ ក៏ត្រូវបានយកកែការនិពន្ធ និងច្បិចយកទៅថតពីជ្រុងថ្មីបានជាច្រើនទៀត ព្រមទាំងទទួលបានការចាប់អារម្មណ៍ច្រើនផងដែរ។
សូមចុចអាន ភាពយន្តគំនូរជីវចល «ស្ដេចស្វាអ៊ូខុង» របស់ទិនហ្វីនឹងមានបញ្ចាំងលើ Netflix ឆ្នាំ២០២៣!
