លោកយាយ ណយ សំណាង គឺជាតារាកំប្លែងនិងជាអតីតអ្នកចម្រៀងអាយ៉ៃជើងចាស់ ដែលបានជាសះស្បើយពីជំងឺកូវីដ-១៩ កំពុងតែរីករាយ និង ញញឹមស្រស់ក្រោយកូនប្រុសបាននាំដើរកម្សាន្តនៅថ្ងៃសំរាកចុងសប្ដាហ៍។
សូមចុចអាន ពុទ្ធោ! កូនប្រុសតារាកំប្លែងយាយ ណាង ប្រាប់ថាម្ដាយខ្លួនកើតជំងឺដ៏កាចសាហាវ!
យោងតាមគណនីហ្វេសប៊ុក តារាចម្រៀង វណ្ណា ស័ក្តិ បានបង្ហោះលើហ្វេសប៊ុករបស់លោកកាលពីថ្ងៃសៅរ៍ (១២ ខែ មិថុនា) កន្លងទៅបានឱ្យដឹងថា លោកបាននាំអ្នកម្ដាយ គឺលោកយាយ ណយ សំណាង ដើរកម្សាន្ត លម្ហែអារម្មណ៍ក្រោយពីបានជាសះស្បើយពីជំងឺកូវីដ១០០ភាគរយហើយនោះ។
នៅក្នុងរូបភាព ៣សន្លឹក ដែលបានបង្ហោះនៅលើហ្វេសប៊ុករបស់លោកបង្ហាញឱ្យឃើញលោកយាយ ណយ សំណាង កំពុងទទួលអាហារជាមួយនឹងទឹកមុខញញឹមស្រស់ប្រិមប្រិយ។
នៅខាងក្រោមសំណេររបស់លោក វណ្ណា ស័ក្តិ មានអ្នកគាំទ្របានចូល ខមមិន បង្ហាញពីក្ដីត្រេកអរដែលឃើញលោកយាយ ណយ សំណាង បានជាសះស្បើយ ថែមទាំងជូនពរឱ្យតារាកំប្លែងនិងជាអ្នកអាយ៉ៃជើងចាស់រូបនេះ មានសុខភាពល្អ និង អាយុយឺនយូរ។
សូមចុចអាន អាយ៉ៃ «ឆាកជីវិតមនុស្សលោក» យាយណាង ស្ដាប់ហើយកាន់តែស្រណោះគាត់! (មានវីដេអូ)
រំលឹកឡើងវិញ លោកយាយ ណយ សំណាង និងកូនប្រុស លោក វណ្ណា ស័ក្តិ បានប្រកាសថាខ្លួនបានឆ្លងជំងឺកូវីដ-១៩ កាលពីថ្ងៃទី១៤ ខែ ឧសភា កន្លងទៅ ហើយបានព្យាបាលខ្លួននៅមន្ទីរពេទ្យខ្មែរ សូវៀត មួយរយៈរហូតដល់ថ្ងៃទី ២៩ ខែ ឧសភា ទើបម្ដាយកូនទាំងពីរ បានជាសះស្បើយពីជំងឺកូវីដ-១៩៕
សូមចុចអាន រីករាយណាស់! វណ្ណា ស័ក្ដិ និង យាយ ណាង បានជាសះស្បើយពីជំងឺកូវីដ-១៩ ហើយ!