Gong Yoo គឺជា Oppa កូរ៉េខាងត្បូងដែលហ្វេនៗ ស្រលាញ់ពេញចិត្តខ្លាំងព្រោះតែភាពប៉ិនប្រសប់ក្នុងការសម្ដែងរហូតទទួលបានរហស្សនាមថា «ខ្យល់ដកដង្ហើមនៃអាស៊ី» ព្រោះអត្តចរិតតួអង្គដែលបុរសសង្ហារូបនេះទទួលសម្ដែងរមែងធ្វើឱ្យទស្សនិកជនដែលជានារីៗមិនថាចាស់ក្មេងលង់នឹងមន្តសេ្នហ៍នៃតួអង្គនោះដោយងាយ។
សូមចុចអាន Netflix សម្រេចចិត្តលុបលេខចោលព្រោះមានមនុស្សរាប់ពាន់នាក់ព្យាយាមតេរក Gong Yoo
ថ្វីត្បិត Gong Yoo ឆក់បានបេះដូងនារីជាច្រើន ប៉ុន្តែអ្នកកំលោះវ័យជ្រេរូបនេះនៅក្នុងជីវិតពិតបែរជាគ្រងឈ្មោះជាកំលោះនៅលីវមិនមានស្នេហាទៅវិញ។ យោងតាមរយៈការសម្ភាសន៍មួយនៅក្នុងកម្មវិធី Variety ឈ្មោះ You Quiz on the Block កាលពីឆ្នាំ២០២០ កន្លងទៅថ្មីៗនេះថា លោកជាមនុស្សពូកែអៀនខ្មាស ហើយលោកក៏មិនមែនជាមនុស្សដែលរឹងមាំនិងឡូយឆាយដែរ ប៉ុន្តែអ្នកគាំទ្រមួយចំនួនតែងតែយល់ថាលោកដូចទៅនឹងតួអង្គដែលលោកសម្ដែង។
សូមចុចអាន តារាប្រុសកូរ៉េសង្ហា ៥ រូប ដែលហ្វេនអន្ទះសារចង់ឃើញសម្ដែងក្នុងភាពយន្តហូលីវូដ!
Gong Yoo បាននិយាយថា៖ «រូបភាពលោកនៅក្នុងចិត្តអ្នកគាំទ្រ ជាបុរសម្នាក់ដែលទន់ភ្ល់ន ផ្អែមល្ហែម ចូលចិត្តព្រួយបារម្ភ និងពោរពេញដោយមនោសញ្ចេតនា គឺមិនត្រឹមត្រូវទាំងអស់នោះទេ។» លោកបន្ថែមថា៖ «រូបភាពទាំងអស់នោះគឺកើតចេញពីតួអង្គដែលសម្ដែង តែការពិតលោកជាមនុស្សដែលប្រយ័ត្នតិចតួចជាអ្វីដែលផ្សេងគិត ដូច្នេះហើយខ្ញុំមិនដូចទៅនឹងតួអង្គដែលខ្ញុំសម្ដែងនោះទេ»
សូមចុចអាន ភាពយន្តកូរ៉េ ១០រឿង តួឯកប្រុសស្អាតសង្ហាតែបែរមិនមែនជាមនុស្សធម្មតា!
ម្ចាស់រហស្សនាម ខ្យល់ដកដង្ហើមនៃអាស៊ី បានបន្តទៀតថា លោកមិនមែនជាប្រភេទមនុស្សដែលបង្ហាញអារម្មណ៍ចេញមកក្រៅច្បាស់ៗនោះទេ ដូច្នេះនារីៗអាចនឹងមិនអាចមិនចូលចិត្តដែលលោកមិនសូវបង្ហាញសេចក្ដីស្រលាញ់យ៉ាងជ្រាលជ្រៅ ជាពិសេសលោកជាមនុស្សដែលមិនសូវហ៊ានបង្ហាញការស្រលាញ់ លោកច្រើនតែមានអារម្មណ៍ខ្មាសអៀនពេលនិយាយរឿងពាក់ព័ន្ធនឹងមនោសញ្ចេតនា «ខ្ញុំមិនមែនជាបុរសដែលនារីចូលចិត្តនោះទេ ខ្ញុំមិនគិតថាខ្លួនឯង ជាប្រភេទមនុស្សដែលហ៊ានបង្ហាញការស្រលាញ់»
ចុងក្រោយ Gong yoo បានឱ្យដឹងថាលោកកំពុងតែរីករាយក្នុងឋានៈជាអ្នកសម្ដែងមួយរូប លោកអាចបង្ហាញអ្វីដែលលោកខ្មាសអៀននៅក្នុងជីវិតពិតតាមរយៈតួអង្គដែលលោកសម្ដែង «មានរឿងជាច្រើនដែលខ្ញុំមិនហ៊ានធ្វើព្រោះតែខ្ញុំអៀន តែបើខ្ញុំសម្ដែងចរិតតួអង្គនោះ នោះបានន័យថាខ្ញុំអាចធ្វើបានគ្រប់យ៉ាង»។
ដូច្នេះយោងតាមការបកស្រាយខាងលើ ប្រិយមិត្តអ្នកគាំទ្រប្រហែលជាអស់សង្ស័យហើយមែនទេថា ហេតុអ្វី Gong Yoo រក្សាឈ្មោះកំលោះច្រែះចាប់រហូតមកដល់បច្ចុប្បន្ននេះ៕
