នៅក្នុងខែតុលានេះ ហាក់ដូចជាខែស៊យរបស់បុគ្គលល្បីលើបណ្ដាញសង្គមក៏ថាបានព្រោះរឿងរ៉ាវមួយចំនួនដែលផ្ទុះការចាប់អារម្មណ៍ពីអ្នកលេងបណ្ដាញសង្គមច្រើនតែជារឿងមិនសូវជាល្អ ឬនិយាយដោយងាយសុទ្ធតែជារឿងអាស្រូវរបស់បុគ្គលទាំងអស់នោះ។ យ៉ាងណាមិញថ្ងៃនេះសារព័តមានត្រយង សូមរំលឹកដោយសង្ខេបនូវរឿងរ៉ាវដែលអ្នកលេងបណ្ដាញសង្គមមានការចាប់អារម្មណ៍ដូចខាងក្រោម៖
១. Are You OK? បទចម្រៀងរបស់ តន់ ចន្ទសីម៉ា ត្រូវមហាជនរិះគន់ អ្នកឧកញ៉ា ឡេង ណាវ៉ាតត្រា ចេញមកបញ្ជាឱ្យលុបចេញជាបន្ទាន់
«Are You OK?» បទចម្រៀងរបស់ផលិតកម្ម Galaxy Navatra ដែលបានទិញសិទ្ធិយកពាក្យល្បីនិងមានទាំងខ្មែរនិងបរទេសយកទៅលេងច្រើនរហូតក្លាយជា Viral នៅលើ App Tiktok ត្រូវបានទិញសិទ្ធិយកមកបញ្ចូលក្នុងចម្រៀង ប៉ុន្តែអ្វីដែលក្រុមផលិតគិតថាជាមោទកភាពបានប្រែក្លាយជាពាក្យរិះគន់ព្រោះតែមានឈុតឆាកបាញ់កាំភ្លើងនៅក្នុងថ្នាក់
សូមចុចអាន តបតាមសំណូមពរហ្វេន អ្នកឧកញ៉ា ឡេង ណាវ៉ាត្រា បញ្ជាលុបបទ Are You ok ខ្ទេចគ្មានសល់!
សូមចុចអាន តន់ ចន្ទសីម៉ា ចេញមុខទទួលខុស តែអ្នកលេងហ្វេសប៊ុកនៅតែទើសតាមបាញ់មិនឈប់!
២. ផ្អើលញ៉ាំដើមដំបងយក្ស (ប្រទាលបាតដៃ) តាមគ្នារហូតក្លាយជារឿងចម្រូងចម្រាសលើបណ្ដាញសង្គមរឿងគុណសម្បត្តិនិងគុណវិបត្តិ
ដើមប្រទាលដំបងយក្ស បានក្លាយជាអាហារពេញនិយមនិងមានតម្លៃខ្ពស់ភ្លាមៗក្រោយពីមនុស្សផ្អើលញ៉ាំនិងថតបង្ហោះបង្អួតគ្នាទៅវិញទៅមកនៅលើបណ្ដាញសង្គម ដោយក្នុងមួយគីឡូមានតម្លៃ១៥០០០(មួយម៉ឺនប្រាំពាន់រៀល)។ ផ្ដើមដំបូងឡើងដើមដំបងយក្សនេះត្រូវបានតារាសម្ដែងល្បីមួយរូបលើកយកមកញ៉ាំក្នុងវីដេអូ ហើយបន្តបន្ទាប់មកក៏មានអ្នកមានទំនោរតាមគ្នាផ្អើលទិញយកមកញ៉ាំបន្តកន្ទុយគ្នា។ ក្នុងនោះមានទាំងអ្នកញ៉ាំទៅគ្មានបញ្ហានិងអ្នកញ៉ាំហើយមានបញ្ហាពុលក្អួតចង្អោរផងដែរ។
សូមចុចអាន ជ្រួលជ្រើមតាមគ្នា! ជាលទ្ធផល ស្រីខ្ញុង ពុ-លក្អួ-ត ប៊ិះនឹងស្លា-ប់
៣. ចោមច័ន្ទបង្ហាញប្ដីជ័រសង្ហាប្រៀបដូចជាតួកុនអារ៉ាប់
អ្នកនាង ចោមច័ន្ទ តារាហ្វេសប៊ុកសាច់សខ្ចី បានធ្វើឱ្យបុរសមួយចំនួនដែលចង់ដាក់ពាក្យស្អំបេះដូងត្រូវខកបំណង ក្រោយពេលដែលអ្នកនាងបានបង្ហោះរូបភាពអ្នកនាងជាមួយតុក្កតាជ័រជារូបរាងបុរសមានមុខមាត់សង្ហាម្នាក់។ ក្រៅពីទាក់ទាញបានការចាប់អារម្មណ៍ច្រើននៅមលើបណ្ដាញសង្គម អ្នកនាងក៏រងនូវការរិះគន់ច្រើនខ្លាំងដូចគ្នា ក្នុងនោះលោកជំទាវ ហ៊ុន ស៊ីណាត បានចេញមកប្រដៅអ្នកនាងឱ្យមានការអៀនខ្មាស គួរតែធ្វើអ្វីមានការលាក់លៀមក្នុងនាមជានារីខ្មែរ ចង់ទិញតុក្កតាយលកធ្វើប្ដីប៉ុន្មានលោកជំទាវមិនថានោះទេ តែសូមធ្វើស្ងាត់ៗផ្ទៃក្នុង កុំយកមកបង្ហោះបង្ហើរដែលនាំឱ្យប៉ះពាល់ដល់តម្លៃស្ត្រី។ល។
៤. ស្វាមីឧកញ៉ា ទ្រី ដាណា ដែលសាធារណជននិយមហៅពូម៉ៅ ចេញមកយំសោក ចង់សុំត្រូវរ៉ូវគ្នានិងវិលត្រលប់ទៅថែប្រពន្ធកូននៅផ្ទះដូចមុន
លោក ហ៊ីង បញ្ញារិទ្ធិ ក្រោយលាចាកសិក្ខាបទវិញ លោកបានចេញមកយំទួញសោក និងសារភាពកំហុសចំពោះភរិយា តាមរយៈការ Live នៅលើបណ្ដាញសង្គមដោយមិនខ្មាសអៀន ថែមទាំងអង្វរកដោយទទូចចំពោះឧកញ៉ា ទ្រី ដាណា ឱ្យបំភ្លេចរឿងចាស់ ព្រោះលោកព្រមទទួលកំហុស និងសន្យាកែប្រែមិនធ្វើរឿងខុសដដែលនេះទៀតទេ។ ប៉ុន្តែទឹកភ្នែករបស់លោកហាក់ដូចជាមិនមានប្រសិទ្ធភាពនោះទេ ព្រោះលើកនេះភាគីខាងស្រីហាក់មិនខ្វល់ឬអើពើចំពោះការចេញមកសារភាពកំហុស និងដឹងខុសរបស់លោកពូម៉ៅនោះឡើយ។
សូមចុចអាន យំស្រ.ណោះគួរអា.សូរ ពូម៉ៅ សុំជានាជាមួយ ទ្រី ដាណា និងប្រកាសទទួលកំ.ហុសតាមហ្វេសប៊ុក!
សូមចុចអាន សាងផ្នួសព្រោះអូន៖ សាធារណជនមិនសូវពេញចិត្តឱ្យតែបែកស្នេហ៍ ប្រុសៗនាំគ្នារត់ទៅបួស!
៥. រថយន្ត Rolls Royce ដែលគេស្គាល់ថាជាកម្មសិទ្ធិរបស់អ្នកនាង ដេត ម៉ាលីណា បុករនាំងពុះចែកទ្រូងផ្លូវខូចខាតយ៉ាងដំណំ
ហេតុការណ៍នេះបានកើតឡើងកាលវេលាម៉ោង២:២០នាទីយប់រំលងអាធ្រាតឈានចូលថ្ងៃ ពុធទី១៣ខែតុលាឆ្នាំ២០២១ស្ថិតនៅផ្លូវសហព័ន្ធ រុស្ស៊ី ទល់មុខនឹងវិហារចិន ក្នុងសង្កាត់ ទឹកថ្លា ខណ្ឌសែនសុខ រាជធានីភ្នំពេញ ។ តាមរយៈស្លាកលេខពិសេស (Mr.Idol) ធ្វើឲ្យគេដឹងថា ឡានទំនើបមួយនេះជិះដោយអតីតភរិយារបស់ លោកឌួង ឆាយ។ ប៉ុន្តែពីរថ្ងៃក្រោយហេតុការណ៍គ្រោះថ្នាក់ខាងលើ អ្នកនាង ដេត ម៉ាលីណា បានចេញមុខមក Live លើបណ្ដាញសង្គមបដិសេធថាខ្លួនមិនមែនជាអ្នកបើកបររថយន្តនោះទេ ដោយមុននឹងមានការ Live នេះក៏មានបុរសម្នាក់បានចេញមុខចូលខ្លួនទៅដោះស្រាយនិងទទួលខុសត្រូវបញ្ហានេះជាមួយសមត្ថកិច្ច។
៦.តារាកំប្លែង-តារាសម្ដែងស្រីខ្ញុងប្រកាសក្ស័យធុនព្រមទាំងជំពាក់បំណុលគេជុំទិស
សម្រាប់រឿងចុងក្រោយរបស់តារាកំប្លែងល្បីឈ្មោះ ស្រេង សុកាន់ដាហៅខ្ញុង ហាក់ទទួលបានការចាប់អារម្មណ៍ខ្លាំង និងលើសលប់នៅលើបណ្ដាញសង្គម ព្រោះជាករណីដែលសាមីខ្លួនបានចេញមុខមកសារភាពព្រមទាំងទទួលស្គាល់ថាខ្លួនបានជំពាក់បំណុលគេសុរបជាង ៥០ម៉ឺនដុល្លារ ព្រមទាំងក្ស័យធុនអស់ទ្រព្យសម្បត្តិ សល់ត្រឹមតែខ្លួន ព្រមទាំងហ៊ានប្រឈមដើរចូលពន្ធនាគារប្រសិនបើម្ចាស់បំណុលចង់ប្ដឹងខ្លួន។ យ៉ាងណាមិញរឿងរ៉ាវរបស់អ្នកនាងត្រូវបានដោះស្រាយមកស្ថិតនៅក្នុងកម្រិតមួយអាចគ្រប់គ្រងបាន ប្រៀបដូចជាបូសដែលធ្លាយមុខ ព្រោះពេលនេះអ្នកនាងត្រូវបានម្ចាស់បំណុលទុកឱកាសឱ្យខិតខំរកស៊ីសារដើម ដើម្បីរកប្រាក់មកដោះបំណុលគេ។
សូមចុចអាន ស្រីខ្ញុង Live យំខ្សឹ.កខ្សួ.ល ប្រកាសក្ស័យធន ជាប់បំណុលជាង៥៧ម៉ឺនដុល្លារ!
សូមចុចអាន សំណុំរឿងខ្ញុង៖ ចំណាយ៥០០ដុល្លារ ដើម្បីជួបគ្រូ បានលុយជាង ៥ម៉ឺនដុល្លារ
សូមចុចអាន ម្ចាស់លុយ ចង់មកទារបំណុលខ្ញុង តែទៅដល់ឃើញសភាពពិតអាណិតពេកដកឱ្យ៣០០ថែម!
ប្រិយមិត្តអ្នកអាន មានដឹងរឿងរ៉ាវណាផ្សេងដែលល្បីល្បាញនិងផ្ទុះការចាប់អារម្មណ៍លើបណ្ដាញសង្គមទៀតដែរទេ? អាចចូលរួម Comment បាន។