តាមរយៈការបង្ហោះនៅលើហ្វេសប៊ុកផេក MGT បានឱ្យដឹងថា បវរកញ្ញា អាគី កេសន (อาร์กี้ เกษร ) ជាអតីតបេក្ខភាពបវរកញ្ញា Miss Grand Nong Khai ឆ្នាំ ២០២០ បានជួបគ្រោះថ្នាក់ចរាចរណ៍រថយន្តភីកអាប់បុកជាមួយម៉ូតូ បន្ទាប់ពីនាងត្រឡប់មកពីធ្វើការ បណ្ដាលឱ្យរងរបួសយ៉ាងដំណំ។
បើតាមសម្ដីរបស់ម្តាយនាងបាននិយាយថា កូនស្រីគាត់បានបាក់ឆ្អឹងត្រគាកទាំងសងខាង បាក់ជើងជា ៣កំណាត់ បាក់ធ្មេញ បាក់ថ្គាម និងរហែករន្ធប្រសីភ្នែក ។ ម្ដាយនាងបានបន្តថា នាងត្រូវការចំណាយពេលសម្រាកព្យាបាលនៅក្នុងមន្ទីរពេទ្យរយៈពេលយូរ ហើយនាងក៏ត្រូវបានបាត់បង់ការងារសិល្បៈជាច្រើនទៀតផងដែរ។
យ៉ាងណាមិញ ហ្វេសប៊ុក MGT បានក៏បានអះអាង អំពាវនាវរកសប្បុរសជនដើម្បីជួយដល់ក្រុមគ្រួសារបវរកញ្ញាខាងលើនេះ ព្រោះដោយមើលឃើញក្រុមគ្រួសាររបស់នាងមានអាជីពអ្នកលក់ឆ្នោតផ្សងសំណាង ដើម្បីទ្រទ្រង់ជីវភាពរស់នៅប្រចាំថ្ងៃ ហើយនៅក្នុងរយៈពេលសម្រាកព្យាបាលទៀតសោត ម្ដាយរបស់នាងក៏ត្រូវចំណាយនៅមើលថែរក្សានាងពេញ ២៤ ម៉ោង មិនអាចចេញទៅប្រកបរបបរកកម្រៃចិញ្ចឹមជីវិតបានឡើយ។ ដូច្នោះហើយ សូមអំពាវនាវដល់សប្បុរសជនទាំងអស់ មេត្តាជួយផ្ដល់ថវិកាដល់នាងបន្តិចម្នាក់ៗផង៕
ប្រភព៖ Sanook
អត្ថបទថ្មីៗកំពុងចាប់អារម្មណ៍៖
