ថ្វីត្បិតបានប្រារព្ធពិធីបុណ្យខួប៧ថ្ងៃជូនដល់អ្នកមានគុណហើយក្ដីប៉ុន្តែអារម្មណ៍អាលោះអាល័យដែលមានចំពោះអ្នកមានគុណទាំងពីរមិនទាន់រលុបចេញបាត់ពីក្នុងការចងចាំឡើយ។ ថ្ងៃនេះសុវត្ថិឌី ធារីកា បានបង្ហោះផ្ទាំងក្ដាររំលែកទុក្ខឪពុកម្ដាយរបស់ខ្លួននៅលើបណ្ដាញសង្គមហ្វេសប៊ុក ដែលធ្វើឱ្យអ្នកបានឃើញហើយខ្លោចចិត្តអាណិតយ៉ាងខ្លាំងដែលនារីវ័យក្មេងរូបនេះបែរជាជួបនឹងរឿងអកុសលដូច្នេះ។
ឪពុករបស់កញ្ញា សុវត្ថិឌី ធារីកា គឺជាសមាជិករបស់អង្គការ World Vision ហេតុដូច្នេះហើយមិត្តរួមការងារទាំងអស់បានសរសេរពីអារម្មណ៍ផ្ទាល់ខ្លួនដែលមានចំពោះសពលោក មាស សុវត្ថិឌី។ នៅខាងលើផ្ទាំងរំលែកទុក្ខដែលធារីកា បានផុសនោះ កញ្ញាបានភ្ជាប់ជាមួយនឹងភាសាអង់គ្លេសពីរឃ្លាដ៏មានខ្លឹមសារថា៖ «I’m really love you mom and dad You are a wonderful parents for me» ឬ «ខ្ញុំពិតជាស្រលាញ់ម៉ាក់និងប៉ាណាស់ អ្នកទាំងពីរគឺជាឪពុកម្ដាយដ៏អស្ចារ្យសម្រាប់ខ្ញុំ»
ក្រោយ Caption ខ្លី ដែលធារីកា បានបង្ហោះនៅព្រឹកទី២៤ ខែឧសភា ឆ្នាំ២០២២ នេះ អ្នកគាំទ្រនិងអ្នកលេងបណ្ដាញសង្គមបានចូលមកលើកទឹកចិត្តឱ្យកញ្ញាតស៊ូនិងរឹងមាំជាបន្តទៀត។
អត្ថបទទាក់ទងនឹង សុវត្ថិឌី ធារីកា៖
- ពីថ្ងៃនេះទៅ សុវត្ថិឌី ធារិកា ត្រូវរាប់រងបន្ទុកបង់ថ្លៃរំលស់ផ្ទះ បង់សាលាប្អូន និងការចំណាយប្រចាំថ្ងៃ
- សរសើរ! សុវត្ថិឌី ធារីកា ទៅកម្សាន្តទេតែឆ្លៀតចែករំលែកចំណេះដឹងប្រវត្តិប្រាសាទបន្ទាយស្រី
- មកដឹងមូលហេតុ ដួង ម៉ានិច សុខចិត្តចោល Live ហើយរត់មកជួយបុណ្យសពឪពុកម្ដាយ សុវត្ថិឌី ធារិកា ទាំងយប់
- ខាត់ វ៉ៃហាំង បណ្ដើរ ស៊ីន យូប៊ីន ទៅចូលរួមរំលែកទុក្ខ សុវត្ថិឌី ធារីកា