អ្នកស្រឡាញ់គាំទ្រវិស័យសិល្បៈ មិនចង់ឃើញកំពូលតារាចម្រៀងរ៉េបពីរដួងឈ្លោះគ្នា គឺ វណ្ណដា និង ងួន ចាន់ដេវីដ បង្កើតជាសង្គ្រាមពាក្យសម្ដីក្នុងបទចម្រៀង ឬអ្នកគាំទ្រទាំងសងខាងវាយប្រហារគ្នាទៅវិញទៅមក ដែលនាំឲ្យខាតបង់ទាំងសងខាង។
សូមចុចអាន៖ J+O II របស់វណ្ណដាបាញ់ត្រង់ទៅ G-Devith និងមនុស្សអាថ៌កំបាំងម្នាក់ឈឺៗ បែបមិនបញ្ឆិតបញ្ឆៀង?
លោក ឌុំ រ៉ាវ៉ុន អគ្គនាយកក្រុមហ៊ុន វីស្រ៊ី គ្រុប ដែលជាអ្នកគាំទ្រវិស័យសិល្បៈមួយរូប បានស្នើឲ្យបញ្ឈប់សកម្មភាពឌឺដងដាក់គ្នារវាងអ្នកគាំទ្រ វណ្ណដា និងដេវីដ ហើយងាកមកគាំទ្រចម្រៀងជា អាយដល រៀងៗខ្លួន ដើម្បីបង្ហាញភាពជាគំរូសម្រាប់យុវជនជំនាន់ក្រោយ។
លោកលើកឡើងបែបនេះ ក្រោយពីសង្គ្រាមពាក្យសំដីរបស់ វណ្ណដា បានរំលេចនៅលើបទចម្រៀងរ៉េបរបស់ខ្លួន ហាក់ដូចជាកំពុងវាយប្រហារទៅលើ តារាចម្រៀងរ៉េប ដេវីដ។ កាលពីថ្ងៃទី៣០ តុលា វណ្ណដា បានចេញបទចម្រៀងមួយបទមានចំណងជើងថា “J+02” ដែលអត្ថន័យបទចម្រៀងនោះរៀបរាប់ពីកំហឹង ដែលបទចម្រៀងរបស់ខ្លួនត្រូវបែកធ្លាយមុនចេញ ហើយគ្រប់គ្នាអាចស្ដាប់ទៅយល់ថាខ្លឹមសារនៃបទចម្រៀងរបស់តារារូបនេះទាំងមូលគឺច្រៀងឌឺដង ថាឲ្យអ្នកចម្រៀងងួន ចាន់ដេវីត តែម្ដងដូចជាឃ្លាថាលុបនេះលុបនោះ ឆ្លៀតទៅបួស និងជិតក្លាយជាឪគេ នៅឡេឡឺ…ជាដើម។ ភ្លាមៗ នៅមិនទាន់ឃើញការឆ្លើយតបពី ដេវីដ តាមរយៈបទចម្រៀងនោះទេ តែនៅក្នុងវីដេអូមួយ នៅលើបណ្ដាញ Tik Tok លោកដេវីត និយាយថា បើចង់តគឺតមិនកើត តដូចឲ្យក្រឌីតទៅគេបន្ថែមទៀត ដូចជាគេថាឲ្យយើង យើងតុកស៊ិចខឹង ចង់ប្រកាច់តែម្ដង យើងចង់ត ប៉ុន្ដែតមិនកើតទេ បើតប្រៀបដូចធ្វើឲ្យគេកាន់តែល្បី អីចឹងត្រូវទ្រាំ គ្រាំគ្រា…។
សូមចុចអាន៖ ដឹងអត់ 12 បទនេះ របស់វណ្ណដា មួយបទៗមានចំនួនទស្សនាលើសពី ២០លានដងនៅលើ YouTube
ជុំវិញការលើកឡើងនេះ លោក ឌុំ រ៉ាវ៉ុន បានសរសេរនៅលើផេករបស់ខ្លួនថា «ខ្ញុំយល់ថា បទចម្រៀងចេញមកមិនដឹងវាយប្រហារខាងណាខាងណីទេ ប៉ុន្ដែបទចម្រៀងថ្មីនេះ ត្រូវបានអ្នកគាំទ្រលើមកចោទប្រកាន់ទៅវិញទៅមក បង្កើតបានជាអាយ៉ៃឆ្លើយឆ្លងលើបណ្ដាញសង្គម និងទំព័រសារព័ត៌មាន។ ដូច្នេះស្នើសុំឲ្យអ្នកគាំទ្រ កុំដាក់សម្ពាធទៅវិញទៅមក ដោយហ្វេនគួរគាំទ្រ តែបទចម្រៀង ជាតារាក្នុងដួងចិត្តរបស់ខ្លួនបានហើយ តែកុំភ្ជាប់ឈ្មោះទៅ អ្នកចម្រៀងនេះអ្នកចម្រៀងនោះ ព្រោះក្នុងបទចម្រៀង ហាក់គ្មានបញ្ជាក់ឈ្មោះនរណាម្នាក់ឡើង វាជាសិល្បៈប៉ុណ្ណោះ។ ប៉ុន្ដែប្រសិនបើបទចម្រៀងមានចេតនា ឌឺដាក់គ្នា គប្បីកុំបញ្ចូលអីល្អជាង គួរសរសេរបទចម្រៀងណាដែលផ្សារភ្ជាប់លើកដំកើនសង្គមទៅល្អជាង ឈ្លោះគ្នាគ្មានចំណេញអ្វីនោះទេ។
លោកបានបន្ដទៀតថា សូមប្អូនមេត្តាទំលាក់ចុះនៅការឌឺដងផ្ចាញ់ផ្ចាល់គ្នាហើយងាករកភាពជា Idol រាងៗខ្លួនព្រោះប្អូនៗជាគំរូរដល់យុវជនបច្ចុប្បន្នផង។ «អ្នកសិល្បៈដូចគ្នាឈ្លោះគ្នា គឺមិនល្អទេ ធ្វើឲ្យខ្មែរខ្សោយ ខ្មែរខ្មាស់បរទេស។ អ្នកទាំងពីរ គឺជាកំពូលតារាចម្រៀងគប្បីផលិតបទឲ្យល្អ និងអប់រំ ធ្វើឲ្យវិស័យសិល្បៈខ្មែរកាន់តែរីកចម្រើន» លោក ឌុំ រ៉ាវ៉ុន បន្ថែម៕
ចុះអ្នកវិញ តើយល់យ៉ាងណាដែរជុំវិញបញ្ហានេះ?