អត្ថបទពាក់ព័ន្ធ៖បុរសសិង្ហបុរី លាកៅអីCEO លីគបាល់ទាត់ថៃ ត្រឡប់ទៅជួយស្រុកកំណើតក្នុងផែនការ World Cup 2034
ក្រុមបាល់ទាត់យុវជនក្រោមអាយុ២២ឆ្នាំ (U22) របស់សិង្ហបុរី បានប្រកួតមិត្តភាពកម្តៅសាច់ដុំយកឈ្នះក្រុមខ្លាំងក្នុងស្រុក Lion City Sailors FC ដោយលទ្ធផល ៤ទល់២ នៅយប់ថ្ងៃសុក្រ ទី១១ ខែមិថុនា ឆ្នាំ២០២១ ម្សិលមិញនេះ លើទីលានកីឡដ្ឋាន Jalan Besar Stadium។
គ្រាប់បាល់ដែលកើតឡើងក្នុងប្រកួតនេះរកបានដោយកីឡាករ Mahler (Own Goal) ៣៧’, Song ៩០+៤ របស់ក្រុម Lion City Sailors FC ខណៈក្រុម U22 សិង្ហបុរី រកគ្រាប់បាល់បានដោយកីឡាករ Khairin ៤៧, ៧៥, Mahler ៥៤’, Zamani ៩២’។
អត្ថបទពាក់ព័ន្ធ៖សេដ្ឋីប្រាក់ពាន់លាន ថៅកែក្លិប Lion City Sailors ជាប់ជាសមាជិកគណៈកម្មាធិការអូឡាំពិកសិង្ហបុរី
ក្រុមបាល់ទាត់ U22សិង្ហបុរី កំពុងតែត្រៀមខ្លួនដើម្បីប្រកួតក្នុងព្រឹត្តិការណ៍កីឡាស៊ីហ្គេមឆ្នាំ២០២១ ខាងមុខនៅប្រទេសវៀតណាមខណៈក្រុមLion City Sailors FC កំពុងតែត្រៀមខ្លួនប្រកួតក្នុងពានរង្វាន់បាល់ទាត់ AFC Cup 2021 ដែលស្ថិតក្នុងពូល H ជាមួយក្រុម Kedah Darul Aman របស់ម៉ាឡេស៊ី ក្លិប Saigon របស់វៀតណាម និងក្លិប Persipura Jayapura របស់ឥណ្ឌូណេស៊ី។
ប្រកួតនេះក្រុម Lion City Sailors FC បានអវត្តមានអ្នកចាំទី Hassan Sunny ខ្សែការពារ Amirul Adli ខ្សែបម្រើ Shahdan Sulaiman និង Saifullah Akbar និងខ្សែប្រយុទ្ធ Faris Ramli,Gabriel Quak និង Hafiz Nor ដែលជាប់បេសកកម្មក្នុងក្រុមជម្រើសជាតិសិង្ហបុរី ប្រកួតក្នុងវគ្គជម្រុះពូល D នៃពានរង្វាន់បាល់ទាត់ជើងឯកពិភពលោក 2022 FIFA World Cup Qatar ជុំទី២ប្រចាំទ្វីបអាស៊ី ដែលប្រកួតសេសសល់ធ្វើឡើងនៅប្រទេសអារ៉ាប៊ីសាអ៊ូឌីត។
អត្ថបទពាក់ព័ន្ធ៖រឿងកម្រ! បងប្អូនបង្កើត៣នាក់កោះហៅចូលក្រុមជម្រើសជាតិក្នុងពេលតែមួយ
ខាងក្រោមជាវីដេអូប្រកួតពេញក្នុងការប្រកួតមិត្តភាពនេះ៖