រមណីយដ្ឋានទឹកធ្លាក់ផ្អោក ក្នុងខេត្តតាកែវ ប្រទេសកម្ពុជាពិតជាល្បីល្បាញដោយសារសម្រស់ធម្មជាតិ មានទឹកជ្រោះធ្លាក់ស្អាត ជាទីទាក់ទាញអ្នកទេសចរមកសម្រាកលំហែ និងទេសភាពជុំវិញដ៏ខៀវស្រងាត់ បង្កើតបរិយាកាសស្ងប់ស្ងាត់សម្រាប់អ្នកទស្សនា។ ទឹកជ្រោះផ្អោកមានប្រវែងប្រមាណជា ១ ០០០ ម៉ែត្រ និង ទទឹង ២ ម៉ែត្រ ដែលហូរពី លើភ្នំ ហើយកាត់ថ្មដាតូច-ធំ ចុះមកក្រោម និង មាន ផ្ទះស្បូវ សម្រាប់ អង្គុយលេងកម្សាន្ត រួមទាំងមាន លក់ម្ហូបអាហារ ដែលមានតម្លៃថោកសមរម្យសម្រាប់ភ្ញៀវទេសចរមកកម្សាន្ត ផងដែរ។ អ្វីដែលកាន់តែជាពិសេសទៀតនោះ រមណីយដ្ឋានទឹកជ្រោះផ្អោក សម្បូរត្បូងមានតម្លៃ។
សូមចុចអាន៖ ទន្លេបាទីពង្រឹងសេវា កំណត់តម្លៃអាហារ ដើម្បីស្រូបភ្ញៀវទេសចរ
លោកស្រី ឈុន ណាត ម្ចាស់អាជីវកម្មលក់គ្រឿងអលង្ការនៅជ្រោះផ្អោក ដែលបានផ្ដើមអាជីវកម្មនៅទីនេះតាំងពីឆ្នាំ២០០០ បានលើកឡើងថា ភ្ញៀវទេសចរគ្រប់ទិសទីមកកម្សាន្តនៅរមណីយដ្ឋានផ្អោកគីរីវង់ គឺមានពីចំណុចសំខាន់គឺទី១ ពួកគេមកកម្សាន្តទឹកជ្រោះបែបធម្មជាតិ និងការទិញត្បូង ដែលជាត្បូងមានតម្លៃរកបានពីភ្នំនេះតែម្ដង។
សូមចុចអាន៖ មកដឹងពីប្រវត្តិ ប្រាសាទភ្នំជីសូរ អាយុកាលជាង១ពាន់ឆ្នាំ
នៅអំឡុងឆ្នាំ២០០០ ដល់ឆ្នាំ២០១០ ជ្រោះផ្អោកគឺជាទីតាំងសំខាន់មួយដែលប្រជាជាជនជាច្រើនមកជីករកត្បូងមានតម្លៃ ហើយត្បូងដែលសម្បូរជាងគេ ដូចជា ត្បូងសមុទ្រ ត្បូងកញ្ចក់ ត្បូងផ្កាថ្ម ត្បូងមីសិល និងត្បូងឃ្មុំជាដើម ប៉ុន្ដែបច្ចុប្បន្ននៅកន្លែងដែលប្រជាជនកំពុងលេងទឹកយ៉ាងសប្បាយបានខ្សត់ខ្សោយហើយ។
លោកស្រី ឈុន ណា បានលើកឡើងថា ត្បូងនៅតែមានប៉ុន្ដែដោយសារអាជ្ញាធរមិនអនុញ្ញាតឱ្យជីកជ្រៅឡើយ គឺបានត្រឹមតែ១ម៉ែត្រប៉ុណ្ណោះ។ សព្វថ្ងៃនេះរមណីយដ្ឋានជ្រោះផ្អោកបានក្លាយជាទីតាំងសំខាន់មួយនៃការគ្រឿងអលង្ការច្នៃពីត្បូង និងគ្រឿងតុបតែផ្សេងៗ។ ដោយជឿជាក់ថាត្បូងល្អ មានអតិថិជនគ្រប់ខេត្តក្រុងបានបញ្ជាទិញ ជាពិសេសទីផ្សារនៅរាជធានីភ្នំពេញ។
ជាង២០ឆ្នាំមកនេះ អ្នកស្រីឈុន ណាត បានលើកឡើងថា អាជីវកម្មរបស់អ្នកស្រីគឺឈរជើងបានរឹងមាំដោយសារតែការប្រកាន់ខ្ជាប់នូវទស្សនៈថា «ការរកស៊ីត្រូវមានភាពស្មោះត្រង់ តម្លៃសមរម្យ ចំណេញតិចតែមានអតិថិជនច្រើន»។
សូមចុចអាន៖ ដំណឹងល្អ! ជើងកូនដំរី លំផាត់ ជិតជាសះស្បើយ ១០០%ហើយ
ប្រិយមិត្តដែលចង់ទៅកម្សាន្តរមណីយដ្ឋានជ្រោះផ្អោក និងទិញត្បូងមានតម្លៃ ឬគ្រឿងអលង្ការច្នៃពីត្បូងនោះ គឺប្រិយមិត្តអាចធ្វើដំណើរតាមផ្លូវជាតិលេខ២ មកដល់ផ្សារទន្លាប់ ហើយបត់ស្ដាំដៃចូលជ្រៅប្រមាណជាជាង១គីឡូម៉ែត្រ តាមបណ្ដោយផ្លូវលេខ១២៨ ហើយបត់ឆ្វេងប្រមាណជា១គីឡូកន្លះទៀត ទើបបត់ស្ដាំវិញ នឹងដល់ទឹកជ្រោះផ្អោកនេះហើយ ដែលស្ថិតនៅស្រុកគិរីវង់ ខេត្តតាកែវ ជាប់នឹងព្រំដែនវៀតណាម (កាបាវ)។ យ៉ាងណាមិញប្រិយមិត្តដែលចង់លេងទឹកឱ្យកាន់តែសប្បាយនោះគឺនៅអំឡុងខែសីហា ដល់ខែតុលា ព្រោះនៅខែនេះមានទឹកច្រើន ហើយត្រូវនឹងខែបុណ្យភ្ជុំ។ ជ្រោះផ្អោកមាន៣កន្លែងសម្រាប់ងូតទឹក ហើយកន្លែងនោះ គេសង់ធ្វើជាអាងទឹកសម្រាប់លេងកម្សាន្ត។ ក្រៅពីលេងទឹក ហូបអាហារឆ្ងាញ់តាមកញ្ចុះជាពិសេសបាញ់ឆែវនោះ ប្រិយមិត្តអាចគយគន់ត្បូងមានតម្លៃដែលគេច្នៃជាគ្រឿងអលង្កការនៅតាមផ្លូវចូល ហើយទិញទុកធ្វើជាអនុស្សាវរីយ៍។
កុំភ្លេចឆ្លៀតពេលទៅកម្សាន្តទាំងអស់គ្នាណា៎!
