ដូចមហាជនបានដឹងហើយថា ដំណឹងនៃការដោះស្រាយវិវាទគ្នាក្នុងក្រុមរវាងនាយប្រុញ និងអេដមីន គង់ កាន ត្រូវបានបញ្ចប់ដោយភាគីទាំងពីរសុទ្ធតែឈ្នះៗដូចគ្នា។ ក្នុងនោះបញ្ហាយល់ច្រឡំនិងការយល់ខុសចំពោះគ្នាត្រូវបានដោះស្រាយដោយសន្តិវិធី កាលពីថ្ងៃទី ២៦ ខែមេសានេះ។
ដោយឡែក ក្រោយបញ្ចប់ការសម្របសម្រួលសព្វគ្រប់ នាយប្រុញ ទទួលបានរថយន្តមួយគ្រឿង និងម៉ូតូរបស់ខ្លួនត្រឡប់ទៅស្រុកកំណើតវិញ។ ប៉ុន្ដែប៉ុន្មានថ្ងៃមកនេះ គេស្រាប់តែឃើញអេដមីន គង់ កាន បង្ហោះសារបាក់ទឹកចិត្តជាច្រើន និងអង្គុយសម្រក់ទឹកភ្នែកនៅក្រោមដំណក់ទឹកភ្លៀងថែមទៀតផង។ លោកបានឱ្យមហាជនដឹងថា រហូតមកទល់ពេលនេះ ជីវិតរបស់លោកបានធ្លាក់ដល់ចំនុចសូន្យ។
នៅថ្ងៃទី ២៦ ខែមេសា ឆ្នាំ២០២២ លោក គង់ កាន បានបង្ហោះសារថា៖ «ប្រុញបានគ្រប់យ៉ាងហើយសូមកែខ្លួនហើយខំរៀនផងបងរងចាំសាទរភាពជោគជ័យរបស់ប្អូនជានិច្ច» លុះមកដល់ថ្ងៃទី២៧ លោករៀបរាប់ទៀតថា «ពួកគាត់តែងតែផ្ដល់ក្ដីស្រឡាញ់អោយគ្នាទៅវិញទៅមក ហើយក្នុងនាមខ្ញុំជាអ្នកដឹកនាំគ្រប់គ្រងតែងតែព្យាយាមលៃលកធ្វើយ៉ាងណាឱ្យគ្រប់គ្នាទទួលបានផលចំនេញស្មើៗគ្នា លើសពីនេះខ្ញុំតែងតែបង្រៀនអោយពួកគាត់ចេះស្រឡាញ់គ្នា រៀនរស់នៅជាមួយគ្នា សូម្បីពេលនេះប្អូនប្រុញហាកសាងកំហុសច្រើនបន្តិចតែពួកយើងនៅលើកលែង ទទួលយកនិងនៅអាណិតស្រឡាញ់ដូចដើម»។
បន្តមកទៀត នៅថ្ងៃទី ២៧ ដដែល លោក គន់ កាន ស្រាប់តែបង្ហោះសារមួយទៀត រៀបរាប់យ៉ាងច្រើន អមដោយរូបភាពមួយសន្លឹកដែលស្ដែងឱ្យឃើញថា លោកបានតស៊ូនិងដឹកនាំនាយប្រុញតាំងពីនៅជិះម៉ូតូចាស់មួយគ្រឿង។ លោកបង្ហោះថា ៖ «តាំងពីប្អូនទទួលបានផ្ទះក៏ផ្ទះបងប៉ុណ្ណឹង រហូតដល់ពេលនេះ ប្អូនទទួលបានឡានម៉ូតូទៀតក៏ផ្ទះបងនៅតែប៉ុណ្ណឹង! បងមិនបានច្រណែនប្អូនទេ ព្រោះបងតែងតែគិតនិងទទួលយកថា ទាំងអស់នេះគឺជាសម្ពាយបុណ្យដែលប្អូនបានសាងទុកពីជាតិមុន ដូចនេះប្អូនសាកសមនឹងទទួលបាន។ ផ្ទុយទៅវិញវាគឺជាសម្ពាយកម្មរបស់បង ដូចនេះបងត្រូវមកទទួលកម្មដោយការប្រឹងប្រែងរកទ្រព្យសម្បត្តិអោយប្អូន!! សូមអោយប្អូនជោគជ័យនៅក្នុងឆាកជីវិតពេលអត់ពីបងនៅមើលថែសង្ឃឹមថាមិនបណ្ដោយខ្លួនអោយលង់ចូលក្នុងផ្លូវខុសព្រោះកន្លងមកបងតែងតែតាមអូសទាញប្អូនជានិច្ច ទឹកចិត្តអាណិតស្រឡាញ់ពីគ្រូម្នាក់ដែលធ្លាប់មើលថែប្អូនជំនួសឪពុកម្ដាយបង្កើតរបស់ប្អូន! រស់នៅជាមួយគ្នា បងត្រូវដើរតួនាទីគ្រប់បែបយ៉ាង ជាគ្រូ ជាអ្នកគ្រប់គ្រង ជាអ្នកផ្គត់ផ្គង់ ជាឪពុកម្ដាយនិងជាព្រះរបស់ប្អូន🙏🙏🙏 តែចាប់ពីពេលនេះទៅប្អូននឹងលែងបានលឺពាក្យទូន្មានប្រៀនប្រដៅចេញពីមាត់បងអោយប្អូនធុញធប់ទៀតហើយ ជីវិតប្អូនមានសេរីភាពពេញលេញហើយ🙏🙏🙏 #ត្រូវចងចាំថាបងរងចាំសាទរភាពជោគជ័យរបស់ប្អូនជានិច្ច🙏🙏»។
ក្រោយមកទៀត នៅថ្ងៃទី ៣០ ខែមេសានេះ គេស្រាប់តែឃើញសំណេររបស់លោក គង់ កាន បង្ហាញពីអារម្មណ៍បាក់ទឹកចិត្តខ្លាំង និងបានបង្ហាញវីដេអូដែលស្ដែងឱ្យឃើញពីសកម្មភាពលោកអង្គុយយំក្រោមដំណក់ទឹកភ្លៀង រហូតដល់ក្រុមការងារមានការព្រួយបារម្ភខ្លាំង។ លោក គង់ កាន បានរៀបរាប់នៅលើវីដេអូនោះថា ៖ «ជីវិតខ្ញុំពេលនេះធ្លាក់ដល់ចំណុចសូន្យហើយ អរគុណដែលគ្រប់គ្នាមិនបោះបង់ខ្ញុំ តែខ្ញុំធ្វើចិត្តមិនបាន»។
ក្រោយលោកបង្ហោះនេះ គេឃើញមានមហាជនអ្នកគាំទ្របានសម្ដែងអារម្មណ៍ព្រួយបារម្ភចំពោះលោក និងបានចូលខមមិនលើកទឹកចិត្តឱ្យលោកកាន់តែរឹងមាំ និងក្រោកឡើងបន្តការងារឡើងវិញ។
«អារម្មណន៍តូចចិត្តខ្លួនឯងខំជួយគេអស់ពីរចិត្តពីរថ្លើមដើម្បីជោគជ័យទាំងអស់គ្នាជួយចំសត្វក្រពើកាត់ចិត្តទៅកានស៊ូៗដើម្បីគ្រួសារ» «ស៊ូៗបងកុំអន់ចិត្ត ពីមុនបងនៅចំណុចណា បើខ្ញុំគិតថាបងពេលនេះមានទាំងកេរ្តិ៍ឈ្មោះ ធ្វើអោយមនុស្សជុំវិញខ្លួនស្គាល់បងច្រើន ថ្ងៃក្រោយសង្ឃឹមថាបងជោគជ័យជាងណឹងទៀត បើរបស់យើងវាមិនទៅណាចោលយើងទេ គិតថាជារបស់គេ តែអ្វីដែលសោកស្ដាយប្រុសញនៅក្មេងខ្វះការគិត ខ្វះការអោយតម្លៃមនុស្សដែលជាគុណ រឺអ្នកដែលជួយជ្រោមជ្រែង កាត់ចិត្តទៅបង» «ការតស៊ូរបស់បងវានឹងមកដល់នៅថ្ងែណាមួយស៊ូៗបង» និងខ្លះទៀតថា «ត្រូវរឹងមាំបង❤បងកុំយកចិត្តទុកដាក់អាក្មេងមិនគ្រប់ទឹកនុង» …ជាដើម៕
សូមទស្សនាវីដេអូនេះ៖
អត្ថបទពាក់ព័ន្ធ៖
